Тазалыкед чутэ ке, оломарлы но оскод

Удмурт Дунне
By Удмурт Дунне Ноябрь 30, 2015 09:12
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кык эшъёс-песянайёс пумиськизы но, одӥгез мукетызлы шуэ:

— Эмъюм басьтӥ, нокыӵе пайдаез ӧвӧл, кызьы ке висисько вал, озьы ик номыр ӧз воштӥськы.

— Дунтэм эмъюм басьтӥд, дыр, соин ик уг юртты.5

Коньдонэд ӧвӧл ке, туала вакытэ врачъёс доры озьы гинэ уд сюры. Сюрид ке но, ӝыны нуналдэ черодын быдтод яке толэзьёсын возьмалод кыӵе ке специалист доры шедёндэ. Соин ик тросэзлы врач интыын луиз телевизор. Йырыд пилиське, ӝушед ӝуштэ, мусэд чепылляське — учкы телевизорысь эмъюмъёсын рекламаез. Ялон ваньзэ йӧнатоз, ваньмызлы кулэ эмъюм ӵектоз. Аптекаын но нокыӵе рецепт уз юалэ, чебер коробкаын но чебер дунын эмъюм ӝогак мычозы. Ма, врачъёс асьсэос но, телевизор учкыса, пуко кадь, кыӵе выль эмъюм кылдэ, сое ик ӵекто висисьлы. Тодазы но уг лыкты, та эмъюм ик мукет нимын (аналогез) трослы дунтэмгес сылэ шуыса.
Оптимизация чотын странаямы эмъяськон юртъёс, эмъян интыос кулэсмо, нош аптекаос вамышлы быдэ сямен усьтӥсько. Тани Ижысь Майской ульчаысь Димитров но Щорс нимо транспорт дугдылонтӥос вискын гинэ 4 аптека но 1 оптика усьтэмын. Бырйы сюлэмыд куремъя.

Одӥг тодмоелы сюлэмаз операция лэсьтэмын, кема аръёс ӵоже ини эмъюмъёс вылын улэ, 2-тћ группаысь инвалид. Пенсиез 14 сюрс пала, но ӝыныез сямен толэзьлы быдэ аптекаосы кыле, эмъясьёс доры но буш кисыен уд шедьы. Нош дунъёс маял вылын кадь ӝужъё.

Шӧкыч уром

Удмурт Дунне
By Удмурт Дунне Ноябрь 30, 2015 09:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<