«СМИротворец» конкурсын висъямын «Удмуртия» ГТРК но «Мынам Удмуртие» ТРК

Удмурт Дунне
By Удмурт Дунне 12 ноября, 2015 13:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

смиротворецПриволжск федерал округысь ивор вӧлмытӥсьёс пӧлын «СМИротворец» конкурслы йылпумъянъёс лэсьтэмын. Удмуртиысь пусъемын «Удмуртия» ГТРК-лэн радиоез но «Мынам Удмуртие» ТРК.

Россия бадӟым — котькуд федерал округын ивор вӧлмытӥсьёс трос, вылаз ик, соос пӧртэм кылъёсын ужало. Соин ик «СМИротворец» конкурслы йылпумъянъёс, огъя Россиын сяна, котькуд округын лэсьто. Алигес тодмо луизы Приволжск федерал округысь калык кусыпъёсты тужгес умой возьматӥсь изданиос. Конкурсэ пыриськиз 31 газет-журнал, интернет пыр ивор вӧлмытӥсь но теле-радио сӧзнэт.

Озьыен, Интернетын ивор вӧлмытӥсьёс пӧлын висъямын Казаньысь  «БИЗНЕС Online» газет, Пермьысь «59.RU» сайт но Нижний Новгородысь «Время Н» агентство.  Газет-журналъёс пӧлын вормисе потӥз Нижний Новгородысь «Земля нижегородская» газет, висъямын на «Оренбургская неделя» но Йошкар Олаысь «Марий сандалык — Марийский мир» пор но ӟуч кылъёсын потӥсь журнал. Шумпотымон, телевидениос пӧлысь тужгес устоез луиз «Мынам Удмуртие» ТРК, со сьӧры мыно «Башкортостан» ТРК но «Оренбург» ГТРК. Радиос пӧлын «Удмуртия» ГТРК гинэ висъямын. Нимысьтыз дунъямын «Россия 24 — Самара»ТК.

Та конкурсэ «Удмурт дунне» газетысь ужасьёс но пыриськизы. Корреспондент Галина Семёнова ыстӥз Брангуртын ортчись калыккуспо фестиваль сярысь репортажзэ, Валентина Емельяновалэн материалэз войналы сӥземын вал. Соослэн ужъёссы берлогес дунъямын луозы, «СМИротворец» конкурслэн Россиысь этапез ортчыку.

«СМИротворец» конкурс радъяське 2008-тӥ арысен Калык кусыпъёсты радъясь Гильдиен.

«УД»

Удмурт Дунне
By Удмурт Дунне 12 ноября, 2015 13:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<