Шаерамы анайёсты сӥлы каризы

Удмурт Дунне
By Удмурт Дунне Ноябрь 27, 2015 09:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
NIK_2872_00002 фото Карипов Э

Та вакытэ шаерысьтымы трос нылпиё 17 сюрс 572 семьяосын 56 сюрс 862 пиналъёс будо.

29-тӥ шуркынмонэ быдэс дунне анайёсты сӥлы каре.

Удмуртилэн Тӧроез Александр Соловьёв шаерысьтымы трос нылпи будэтӥсь 68 анайёсты «Анайлэн данэз» гадьпусэн кадырлы кариз.

— Удмуртиын таӵе гадьпус сётыны кутскемын 2005-тӥ арысен. Со дырысен 622 мурт данъямын ни, — шуиз А. Соловьёв. — Та вакытэ шаерысьтымы трос нылпиё 17 сюрс 572 семьяосын 56 сюрс 862 пиналъёс будо. 2009-тӥ арысен кутскыса, вордскись нылпиослэн лыдзы уногес, улонысь кошкисьёс сярысь. Туэ 10 толэзь куспын 18 сюрс 732 пинал вордскиз. Кылем арысь та вакытэн ӵошатыса, со 6 нылпилы ӧжытгес луэ ке но, та лыдпусъя Удмуртия кыкетӥ инты басьтэ Приволжск федерал округын.

Ува ёросысь Светлана Бурашовалэн 7 пиналэз. Алнаш ёросысь Парасковья Краснова, Балезино ёросысь Ангелина Нездоровских, Эгра ёросысь Софья Елькина, Ижысь Мария Килина вань пиналъёссылы вылӥ образование сётыны быгатӥзы.

Дэбес ёросысь Надежда Семакиналэн 4 пиналэз. Толяез тылпу кысон удысын тырше, «За отвагу на пожаре», «За отличие в службе» но мукет медальёсын пусъемын, нош Ленаез — полициысь лейтенант, спортсмен, Лондонын ортчем Олимпиадае пыриськемын, Каракулино ёрослэн дано адямиез луэ.

Нимысьтыз шуныт кылъёс веразы мурт нылпиосты будэтӥсь анайёслы. Семьяосазы быдэн 5 нылпизы Глаз ёросысь Салиха Касимовалэн но Юкаменск ёросысь Людмила Сысоевалэн. Соослэн сюлэм шунытсы тырме асьсэлэсь но нылпиоссэс, вордыны басьтэмъёссэ но огкадь яратыны.

Валентина Емельянова

Туспуктӥз Э. Карипов

 

Удмурт Дунне
By Удмурт Дунне Ноябрь 27, 2015 09:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<