«Пичи трагедиос» вуттӥзы «Зарни маскае»

Удмурт Дунне
By Удмурт Дунне 9 ноября, 2015 10:12
таргедии

«Ми шумпотыса ивортӥськом: экспертъёслэн кенешсы тӥлесьтыд «Маленькие трагедии» спектакльдэс «Зарни маска» премилы ӵектӥз»

Вуоно арын Москваын ортчоз 22-тӥез «Зарни маска» театр фестиваль. Таяз арняе тодмо луизы номинантъёс, соос пӧлын Ижысь ӟуч театр.

Фестивалез радъясьёслэн ивортэмзыя, азьло аръёсын ӵошатыса, вожвылъяськисьёслэн лыдзы туэ трослы ортчиз. Та Национальной премилэн экспертъёсыз Россиысь 110 городъёсы вуылӥзы но 744 постановкаез учкизы.

Пусйыны кулэ, та фестивальлэн афишаяз ӝыныезлэсь тросэз улосъёсысь театръёс шедизы. 22-тӥез фестиваль паймытэ номинациослэн лыдэнызы но: 212 номинациын вожвылъяськозы 72 постановкаос. Премилэн жюриез кылдытэмын луоз туэ декабрь толэзе, дунъясьёс спектакльёсты учкыны кутскозы вуоно арын феврале. Нош вормисьёс пусъемын луозы 2016-тӥ арын 16-тӥ апреле.

Таяз арняе ик Ижысь ӟуч театр басьтӥз «Зарни маска» фестивальлэн но премилэн кивалтӥсьёсызлэсь Георгий Тараторкинлэсь но Мария Ревякиналэсь ӟечкыланзэс. Отын гожтэмын: «Ми шумпотыса ивортӥськом: экспертъёслэн кенешсы тӥлесьтыд «Маленькие трагедии» спектакльдэс «Зарни маска» премилы ӵектӥз: «Устоез спектакль», «Устоез режиссёр», «Устоез художник», «Устоез пиосмурт роль» номинациосъя».

«Устоез пиосмурт роль» номинацие шедиз та спектакльысь Сальерилэсь рользэ шудӥсь Юрий Малашин. Нош мар сярысь та постановка но кызьы шудэ Ю. Малашин, шоркарамы улӥсьёс учкыны быгатозы 8-тӥ шуркынмонэ.

Галина Семёнова

Удмурт Дунне
By Удмурт Дунне 9 ноября, 2015 10:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<