Пермьын ортчиз поэзилы сӥзем «Компрос» фестиваль

Удмуртиысь отчы мынӥз Les Partisans театр.

Со ӟуч авангардной поэзилы сӥзем «Пощёчина общественному вкусу» спектакльзэ возьматӥз, озьы «Компрос» фестивальлы кутскон сётӥз. Со сяна, фестивальын возьматӥзы И. Бродскийлэн кылбуръёсызъя пуктэм «Бро» спектакльзэс. Кызьы иворто артистъёс, учкисьёслы залын интыос ик ӧз тырме.

Та фестиваль нырысьсэ уг радъяськы ни. Со люка быдэс Россиысь тодмо писательёсты но кылбурчиосты. Пӧртэм авторъёс асьсэ поттымтэ книгаосынызы тодмато, гожъямъёссэс калык азьын лыдӟо. Жюри тужгес усто авторъёслы книгаоссэс поттыны луонлык сётэ.