Пенсие потон но допинген нюръяськон. Мар сярысь вераське дунне?

Удмурт Дунне
By Удмурт Дунне 26 ноября, 2015 13:12
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

допингДуннеын

 WADA-лы ӧз кельшы РУСАДА

Допингъёсын нюръяськонъя калыккуспо огазеяськон (WADA) Россиез янгыше уськытӥз допингъёслы пумит куронъёсты тӥямез понна.

WADA вазиськиз Капчи атлетикая федерациослэн калыккуспо огазеяськонзылы, Россиысь легкоатлетъёсты ӵошатсконъёслэсь палэнтыны курыса. Америкаын ортчиз WADA-лэн та ужпумлы сӥзем кенешонэз. Отын шуизы: Россиысь допингъёсын нюръяськонъя агентство (РУСАДА) урод ужа. Таӵе ик югдур Израильысь, Аргентинаысь, Боливиысь, Андорраысь, Украинаысь агентствоосын.

РУСАДА азе куронъёс пуктэмын. Соосты быдэстытэк, асьме спортсменъёс пыриськыны уз быгатэ калыккуспо ӵошатсконъёсы.

Россиын

OLYMPUS DIGITAL CAMERAШутэтскыны маза ӧвӧл

Калыклэсь юалляськонъя центр (ВЦИОМ) Россиын улӥсьёслэсь юалляськиз пенсие потон пумысен.

Юалляськонэ пыриськиз 46 улосысь 1 сюрс 600 адями. Пенсие потон дырзы вуыса но ужасьёс пӧлысь 75 процентэз чӧлско пичи пенсизы вылэ, 46 процентэз уксёен юрттыны тыршо нылпиоссылы, 26 процентэзлэн доразы огназы пукемзы уг поты.

Юалляськонэ пыриськемъёс пӧлысь 37 процентэз, пенсие потон дырзы вуыса но, ужаны чаклало: секыт 1990-тӥ аръёсын ӵошатоно ке, туэ таӵеослэн лыдзы 22 процентлы ятыргес. 8 процентэз ужась  мӧйыос шоры кырыжгес учко: егитъёслы ӝутскыны, пе, люкето.

065435,город Ижевск,улица Наговицина,Арсенал,достопримечательность Удмуртиын

 Шаермылэн узырлыкез

Удмуртиысь К. Герд нимо Национальной музейлы 20-тӥ шуркынмонэ тырмиз 95 ар.

Юбилейлы сӥзьыса, 18-тӥ-20-тӥ шуркынмонэ Кун Кенешын ортче «Музей лыдӟонъёс Арсеналын» конференция. Отчы пырисько Россиысь но кунгож сьӧрысь музейёсын ужасьёс. Нош музейын усьтӥськиз «Удмуртилэн узырлыкез» выль адӟытон. Таӵе нимын поттэмын Национальной музейлэн фондаз утиськись арбериослэн туспуктэмъёсынызы каталог. Музей усьтӥськиз вал 1920-тӥ арын, соку татын ужаз 7 адями. Туннэ отын тырше 101 мурт, фондъёсын лыдъясько 200 сюрслэсь уно паймымон тӥрлыкъёс.

 

 

Удмурт Дунне
By Удмурт Дунне 26 ноября, 2015 13:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<