Москваын Удмуртилы сӥзем ужрадъёс йылпумъяськизы

Удмурт Дунне
By Удмурт Дунне 13 ноября, 2015 10:54
SA4_9842

Элькунмылэн Тӧроез Александр Соловьёв пумиськылӥз Москвалэн мэреныз Сергей Собянинэн

Москваын ортчиз Удмуртилэсь арзэ сӥё-дано йылпумъян ужрад. Отчы пыриськиз уно калык.

Удмуртиысь делегация вуылӥз быдӟым конструкторлэн Михаил Калашниковлэн шайвылаз. Ватэмын со Москваысь военно-мемориальной комплексын. Михаил Тимофеевичез буре вайыса, Удмуртиысь вуэмъёс солэсь шайгузэ сяськаосын шобыртӥзы.

Москвалэн правительствояз ортчизы котырес ӝӧк сьӧрын кенешонъёс. Тужгес но бадӟым саклык висъяськиз инвестициосты кысконлы, тазалыкез утёнлы, туризмез азинтонлы.

Элькунмылэн Тӧроез Александр Соловьёв пумиськылӥз Москвалэн мэреныз Сергей Собянинэн. Та ужрадлы йылпумъянъёс лэсьтыса, Тӧро пусйиз:

— Москвалэн йырыныз кенешимы уно пӧртэм ужпумъёс сярысь. Малы бен асьме гуртоосмылэсь продукцизэс Москваын вузантэм? Гурт предприятиосмылы ватсаса табыш вуысал, нош москваос шумпотысалзы ӟеч сиён-юонмылы. Та кичӧлтонэз пыӵатон бордын ужаськомы ни. Москвалэн Правительствоез кулэ луись документъёс дася ни, нош мыным кылиз на та пумысен Удмуртиысь производительёсын огкылэ вуыны.

Тӧро А. Соловьёв С. Собянинлы вазиськиз, дано улосчиосмес К. Гердэз,      М. Калашниковез, П. Чайковскиез данъясь интыос Москваын но мед луысалзы шуыса. Синпелет-а со, соослэн нимынызы урам я метроысь станция — талы калык шумпотысал.

Удмуртиысь Кун Кенеш но Москва город Думаен кусып возёнъя огкыл кутэмын: закон кылдытъян ласянь ог-огмылэсь адӟем каромы, пайдаё амалъёсынымы вошъяськомы, пусйиз Кун Кенешлэн Тӧроез Владимир Невоструев.

Тӧро А. Соловьёв такем бадӟым ужрад ортчытэмзы понна москваослы тау кариз, вуоно арын соосты асьме доры куное ӧтиз.

Сергей Захаров

Удмурт Дунне
By Удмурт Дунне 13 ноября, 2015 10:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<