Лейкозэн черлам пудолэсь йӧлзэ заводъёсы 2016-тӥ арысен кутыны уг яра

Удмурт Дунне
By Удмурт Дунне Ноябрь 26, 2015 12:38
015484,Малопургинский район,колхоз РАССВЕТ,деревня Средние Юри,животноводческая ферма,КРС,животные,корова,доярка Муравьева Лидия

Шаерамы лейкозэн черлам пудо 46 гидын улэ.

Хозяйствоос азе чурытэсь куронъёс пуктэ Таможенной союз: лейкозэн черлам пудолэсь йӧлзэ заводъёсы 2016-тӥ арысен кутыны уг яра, солэсь сиёнъёс лэсьтоно ӧвӧл. Россиысь Гурт удысъя министерство техрегламентысь та куронэз палэнтыны медэ.

Фермеръёслэн луонлыксы ӧвӧл лейкозэн черлам пудозэс вандыны но интыяз чылкытсэ вайыны.  Рос-прос ужась хозяйствоослэн гинэ но со понна коньдонзы уг тырмы. Соин ик Россиын лейкозэн нюръяськон уно аръёс ӵоже мынэ ни. Таин сэрен уноез хозяйствоос техрегламентлы пумит султо. Собере, уноез кырсь йӧлзэс ёросысьтызы ик йӧл поттонъя заводэ келяло яке сое асьсэ гидысьтызы кунян сюдыны куто. Пудо эмъясьёс верамъя, вирус 56 градусын кулэ. Нош заводъёс йӧлэз 74 градусозь шунто. Озьыен, со чылкыт, адямилы кышкытлык уг вайы.

Соин ик Россиысь гурт удысъя министрлэн воштӥсез Евгений Громыко верамъя, асьме производительёслы азинтӥськыны юрттон вылысь гуртоос пала дурбасьтоно но техрегламентысь лейкоз пумысен куронэз куштоно.

Шаерамы лейкозэн черлам пудо 46 гидын улэ. Удмуртиысь гурт удысъя но сиён-юонъя министрлэн воштӥсез Евгений Шкарупа верамъя, ӵемысь висё тужгес трос йӧл сётӥсь скалъёс. Соосты пурт улэ келяд ке, хозяйствоос бадӟым ыштонъёс адӟозы но кематэк азинтӥськыны уз быгатэ.

— Пудоез тазатытэк, нокызьы но уг яра. Та ужлэсь ум но куштӥське. Но хозяйствоослы шокчыны дыр сётоно, — шуэ Евгений Шкарупа. — Начар пудолэсь мозмытскыны но воксё куке кылдоз меда? Трос йӧл сётӥсь пудо лябӟе уго, ӵапак со борды ик лейкоз но кырмиське. Ӧжыт йӧл сётӥсез уг черла. Соин но ӝыны арлы огпол 1-2 скал ке но черла. Но таослэн йӧлзы умой пӧзьтэм бере чылкыт кыле, солэсь кузятэм но, ряженка но ческыт луэ. Соин ик Россиысь Гурт удысъя министерстволэн политикаеныз быдэсак соглаш луисько.

Елена Сараматова

 

 

Удмурт Дунне
By Удмурт Дунне Ноябрь 26, 2015 12:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<