Кылдоз шаермылэн туризмъя паспортэз

Удмурт Дунне
By Удмурт Дунне 25 ноября, 2015 13:32
паспорт

Калыклы туж тунсыко «Сибирь тракт».

Туэ ар пумозь Удмуртиын кылдоз шаермылэн туризмъя паспортэз, бадӟым но тунсыко документэ пырозы шаерысьтымы туризмен герӟаськем вань интыос но проектъёс.

Ижысь музейёс, Тол бабайлэн но Яг бабушлэн резиденциоссы, Лудорвай усадьба, Вотка — П. Чайковскийлэн вордскем дорез… Та интыосты калык тодэ но вуылэ отчы. Озьы ке но туризм асьме понна — выль ӧр на. Удмуртиысь культурая но туризмъя министр Владимир Соловьёв верамъя, та удысэз азинтыны луоно:

— Туэ нырысьсэ ортчытӥм нимысьтыз тур, отчы 12 улосысь 30-лэсь уно туроператоръёс вуылӥзы. Соос пусйизы: куинь нунал ваньзэ адӟыны ӧз тырмы, но соос усьтӥзы асьсэлы Удмурт шаерез, соосты паймытӥзы культурая объектъёс, синмась-кытӥз Шаркан. Пусйыны кулэ, таӵе ужрадэз ортчытыны бюджетысь коньдон быдтэмын ӧй вал, но оскем потэ, туэ толалтэ ик шаерамы туристъёс уногес вуозы шуыса. Озьы ик ужаны кутскоз ни шаермылэн туризмъя паспортэз. Учкиськом пӧртэм проектъёсты. Кылсярысь, калыклы туж тунсыко «Сибирь тракт». Ми малпаським: малы туристъёслы вуонтэмез дорамы чугун сюрес вылтӥ уйпал ёросъёстӥ — Глазов-Балезино пыр. Отын вань мае возьматыны: «Иднакар» музей, «Парафраз» театр. Туристъёс, Иже вуытозязы, Сибирь трактэн, Пельняньлэн резиденциеныз тодматскыны быгатозы, ортчыны-адӟыны Эгра, Дэбес, Якшур-Бќдья ёросъёсысь тунсыко интыосты, Воткаысь П. Чайковскийлэсь музейзэ, собере вуыны Иже.

Али кыл йылын «Кам ярдур» проект, кудӥз Вотка, Сарапул, Каракулино ёросъёсты огазея. Та проект шедиз Россиысь туризмез азинтонъя федерал программае. Но странаямы туризмлы висъяськись коньдон 75 процентлы кулэстэмын вал. Озьы туэ республика планэ ӧз сюры ни.

— Уж мытэмын луоз вуоно арын. Кайта ми возьмаськомы федерал кисыысь 35 миллион манет, нош 2017-тӥын — 171 миллион манет, — шуиз министр.

Галина Семёнова

Туспуктэм:  iz-article.ru

Удмурт Дунне
By Удмурт Дунне 25 ноября, 2015 13:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<