Кыклы пилиськем сюлэм

Удмурт Дунне
By Удмурт Дунне Ноябрь 10, 2015 10:47

Улӥллям-вылӥллям Татарстанысь Кукмор ёросын Лёгор агай но Сандра апай. Нош берло нюлэсо Кизнер ёросэ Вуж Бӧдья гуртэ улыны кӧчиллям. Вылэм соослэн 12   нылпиоссы: 6 нылъёс но 6 пиос.

4-ез пиналъёссы пичи дыръязы ик кулӥллям: кудӥз тифен, кудӥз мукет секыт висёнъёсын. Уката яратоноосыз вылӥллям самой пичиосыз, кыктоос Митрей но Параски. Чебересь, чырткемесь будӥзы кыктоос, ог-огзэс яратыса, ноку но ӧз люкиськылэ: шудонын но, ужын но весь ӵошен вал.

053300,военно-полевые сборы,животные,лошадь,ретро

Пиналъёс будӥзы, ваньзы семья кылдытӥзы. Параскилэн пиез вордӥськиз, нош Митрей дораз кышно вайыса ӧз вутты, шимес война кутскиз. Кати туганэз, возьманы кыл сётыса, яратонзэ келяз. Параски колхозын, вал сюдыса, пеймытысен пеймытозь ужаз, вӧзаз пичи пиез, Витиез, весь бызьылӥз. Нош картсэ, Васьлеез, войнае басьтӥзы.

— Ӝынызэ сюлэмме ишкалтӥзы кадь, — шуэ Параска песянае. — Вылаз ик, сюдэм-вордэм валъёсме войнае келяй на. Кызьы меда сюлэмы ӧз пилиськы.

Война сярысь кино адӟыкуз, валъёсыз ке возьмато, песянае куараен бӧрдэ вал:

— Мынам валъёсы ӧвӧл меда со? Ой, таиз мынам Орлике кадь!

Озьы тупаны кулэ ук: Митрей выныз кавалерие сюриз. Трос иськем ортчиз та егит пи вал вылын, фашистъёсты улляса. Кыӵе кӧты ӝож, туспуктэмез ӧз кыльы шуыса. Вуж коркамес кесякумы, война дыръя лэсьтэм туспуктэмъёс арам луиллям, зор улэ вунэтӥллям соосты анае но песянае.

Митрей бырыны сюриз. Нарва шур вылын солэн егит улонэз чигиськиз. Песянае шуэ вал:

— Кезьыт январь толэзе шӧдӥ Митрейлэсь кулон чассэ: кужыме быриз, синъёсы ӧз адӟе ни, сюлэмы, гадь пушкысьтым потыны турттыса, йыгаське. Ужъёсме вунэтыса, кема шокаме луытэк пуки. Валай: Митрей ӧвӧл ни. Пичи дырысенымы ик висьыны но ӵош висьылӥмы, бурмыны но ӵош бурмылӥмы.

Озьы ик вань: кӧня ке дыр ортчыса, Митрейлэн быремез сярысь ивортон вуиз. Нош Васьлей песятае, войнаез пыр ортчыса, бертӥз. Со быдӟа шуд вал со! Озьы ке но Параскилы вань улытозяз ӧз тырмы палясь, котьку капчи мылкыдо Митреез. Кати но пыр улонзэ возьмаз яратоно Митрейзэ, нокинлы ӧз бызь.                                                                                          

 Александра Зайцева,

Кизнер ёрос, Вуж Бӧдья гурт

Туспуктӥз А. Горбунов

Удмурт Дунне
By Удмурт Дунне Ноябрь 10, 2015 10:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<