Кун кенешлэн 20-тӥ сессияз 18 ужпум ӝутэмын

Удмурт Дунне
By Удмурт Дунне 5 ноября, 2015 16:25
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
2015_02_26_sessiya

Депутатъёс сэрттӥзы-пертчизы 18 ужпумез.

Ортчиз Кун Кенешлэн 20-тӥ сессиез. Депутатъёс сэрттӥзы-пертчизы 18 ужпумез.

Парламентлы гань-гань шокчыны берло дыре маза ӧй вал: кылем арня вискын гинэ йылпумъяськизы Кун Думаын но Федерация Кенешын Удмуртилы сӥзем нуналъёс. Ортчизы пӧртэм пумиськонъёс, кенешонъёс — та бадӟым ужрадлэсь пайдазэ шӧдыны быгатомы матысь дыре. Кун Кенешлэн Тӧроез Владимир Невоструев, воштӥсьёсыз Софья Широбокова но Светлана Кривилёва сессиын огымысь пусйизы: федерал центрен юн кусып возьытэк, шаермылы азинскыны секыт луоз — элькунамы уксё кысконо, федерал программаосы пыриськыса.

Парламентарийёс ас радазы выль депутатэз кутӥзы: Кун Кенешысь ЛДПР фракцилэн кивалтӥсез Дмитрий Кулишов мылкыд кариз Иж город Думае выжыны, солэн мандатэз табере оскемын Геннадий Зарубежновлы.

Депутатъёс юнматӥзы «Выт бичанын патент амалэз кутон сярысь» законэ воштонъёсты. Выт тыронлэсь мозмытӥсь патентэз басьтыны быгато ке вал 47 удысэн вырись предпринимательёс, та лыдпус табере эшшо 16-лы унояз. Та амалэз кутыны быгатозы, кылсярысь, йӧл сиёнъёс поттонэн, чорыг будэтонэн, отходъёсты интыянэн, компьютеръёсты тупатъянэн, нюлэсэн вырись ужбергатӥсьёс.

Калыклэсь улонзэ капчиятонэн ик герӟаськемын вал мукетаз законэ — «Градостроительной ужъёс сярысь» — пыртэм воштонъёс. Пуктӥськыны лэзись документъёс табере бичано уз лу, чагыр эстӥськонэз валтӥсь сеть бордысь нимаз юртъёсы кыскыку — газлэн давлениез 0,6 мегапаскальлэсь ичигес ке. Озьы юртэ газ пыртыны мултэс бумагаос но бичано, коньдон но быдтоно уз луы, гумыосты но ӝоггес кыскыны луоз. Та воштонъёс эскеремын нырысетӥ лыдӟонэн. Ваньмыз чакламъя радъяськиз ке, законэ воштонъёс юнматэмын луозы кыкетӥ лыдӟонэн вуоно сессиын.

Елена Никитина

Удмурт Дунне
By Удмурт Дунне 5 ноября, 2015 16:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<