Ку вуоз чагыр эстӥськон?

Удмурт Дунне
By Удмурт Дунне 10 ноября, 2015 08:11

Удмуртилэн Тӧроез А. Соловьёв пумиськылӥз муниципал кылдытэтъёслэн йыръёсынызы. Вераськон мынӥз чагыр эстӥськон пумысен.

Элькунысьтымы ог 66 процентаз юртъёсы газ пыртэмын, гуртын — ог 44 но ӝыны процентаз. Ӵошатон вылысь: Россиысь 70 процентаз городъёсын, 54 процентаз гуртъёсын со вань. Приволжск федерал округын — ог 82 процентаз юртъёсын.

Элькунамы чагыр эстӥськон пыртонлы нимысьтыз саклык висъяськыны кутскиз 2001-тӥ арысен. Озьы 2014-тӥ арозь 6,8 сюрс иськем газ гумыос кыскемын. Туэ элькун бюджетын талы 174,2 миллион манет чакламын вал. Эшшо 149 миллион манет вуыны кулэ вал Россилэн казнаысьтыз, но али тодмо ни: висъяськоз 27,4 миллион манетэз гинэ.

Матысь дыре Глазов город но Красногорск черкогурт вискы 65 иськем газ гумыос кыскыны чакламын. Талы луыса 648 корка вуоз чагыр эстӥськон. 300 миллион манет висъяськоз «Газпром межрегионгаз» огазеяськон чотын.

«УД»

Удмурт Дунне
By Удмурт Дунне 10 ноября, 2015 08:11