Кез ёросысь «Труженик» хозяйствоын усьтӥськиз 200 йырлы чаклам туала ферма.

Удмурт Дунне
By Удмурт Дунне Ноябрь 18, 2015 08:46

Ёмфт Кез помещениеросэ таӵе шумпотон кыко ар ӧз кожалля ни вал. Соин но, лэся, гуртоос ферма усьтонэ празднике кадь вуизы. Гидъёссы вужесь ни уго. Ужрадэ гурт удысъя но сиён-юонъя министр Александр Прохоров но пыриськиз.

Кезъёс понна туэ ар воксё капчи ӧй вал. Пудо сиён дасянын бадӟымесь шуг-секытъёс кылдылӥзы. Пудозэс 408 йырзэ вандоно луизы. Ёросысь гурт удысъя управленилэн кивалтӥсезлэн воштӥсез Дмитрий Ефремов верамъя, али хозяйствоосын 15 сюрс 648 сюроос. Таос ке но толзэ умой мед потозы шуыса, пуктӥськон но мытэмын вал. Кезысь сыр поттонъя завод но юрттӥськиз ӝутӥськонлы.

«Тружениклэсь» адӟем карыса кадь, лэсьтӥськон борды ӝабырскиз «Искра» хозяйство. 2-3 арня ортчыса, татын но скалъёс чылкыт но туала куронъёслы тупась выль фермае выжозы ни. «Гулейшур» хозяйствоын но вуж гидзэс выльдӥзы. Лэсьтӥськон ужъёс мытэмын Кулига гуртын.

— Коньдон ласянь шуг-секытъёс кылдыло ке но, пуктӥськытэк нокызьы но уг луы, — вера Дмитрий Ефремов. — Пудо йырмес но пумен йылтом. 2020-тӥ арозь йӧл кысконэз шаерамы 1 миллион тоннаозь вуттыны косэмын ук. Соин ик милемлы но та ласянь тыршоно. Али котькуд скалмылэсь шорлыдын 10,8 килограмм йӧл кыскиськом. 2014-тӥ арын 10,1 килограмм вал. Шуныт но югыт гидъёс эшшо но тросгес йӧл басьтыны луонлык сётозы.

Елена Сараматова

Туспуктэм: udmapk.ru

 

Удмурт Дунне
By Удмурт Дунне Ноябрь 18, 2015 08:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<