Гуртысь потэ зэмос удмуртлык но зэмос адями

Удмурт Дунне
By Удмурт Дунне 10 ноября, 2015 10:42
foto3-seminar-95-let-gosud-ti-ur-30-10-3015

Удмуртилэн атласэз кылдӥз.

Кылем арня пумын Ижысь Тодосчиослэн юртазы Удмуртилэн кунлык басьтэмез дырысен 95 ар тырмонлы сӥзем конференция ортчиз. Отчы пыриськизы тодосчиос, шаерчиос, дышетӥсьёс.

Экономика наукаосъя доктор Константин Павлов вераз, мар со сыӵе этноэкономика:

— Вань этнопсихология, этносоциология, кылдӥз этноэкономика но. Наукаысь та ӧр Россиын али гинэ азинске ай. Но, мон малпасько, со туж кулэ но пайдаё луыны быгатэ улосъёс понна. Этноэкономика луонлык сётэ, калык сямъёсты, ужан-улон амалъёсты, культураез, психологиез, осконэз лыдэ басьтыса, улонлэсь ӟечлыксэ будэтыны. Азьвылзэ утьыса но рыноклэсь куронъёссэ уже кутыса, экономикаез юнматыны, гурт хозяйствоосты улӟытыны но мукет.

Кенешонын юанэз кылдӥз техника наукаосъя докторлэн Олег Шавринлэн.

— Мон удмурт музъем вылын вордскем адями, кылчи ӧвӧл, технарь. Но пичи дырме тодам вайисько ке, син азям пуксе одӥг удмурт кыл — «нянь», малы ке шуоно со котькуд магазин бордын вал, нош али Ижысь лавкаосты учкисько но «нянь» гожтэмез уг адӟиськы, котькытын «шопъёс». Нош кытын «нянь», кытын удмурт кыл?

Та юанлы конференциын валэктон сётӥз философия наукаосъя кандидат Альберт Разин. Солэн докладэз сӥземын вал гуртлы. Тодосчи верамъя, ӵапак отысь потэ зэмос удмуртлык но зэмос адями.

разин

Альберт Разинлэн докладэз сӥземын вал гуртлы.

— Шаермылэн уйпалаз улӥсьёс ӟучомо ини. Туала адями, уката ик городын улӥсь мурт уг малпаськы лул-сюлэмзэ будэтон но узырмытон сярысь. Туннэ нуналлы одӥгез валтӥсез ужпум кунмы понна — гуртэз утён но азинтон, — шуиз Альберт Алексеевич. Удмуртилэн кунлык басьтэмезлы тодосчиос шаермылы ӟеч кузьым лэсьтӥзы. Учёнойёслэн юртэнызы кивалтӥсьлэн воштӥсез, Россиысь Географияя ӟуч огазеяськонлэн Удмуртиысь ёзэныз кивалтӥсь, профессор Иван Рысин пусйиз:

— Та дырозь ӧй вал на Удмуртилэн паспортэз — республикамылэсь атлассэ мон озьы шуисько. Куинь ар ужамы сое кылдытон бордын. Удмурт атласлэсь нырысетӥ экземплярзэ поттӥмы юромо та конференцилы но Москваын али ортчись Географияя ӟуч обществолэн фестивалезлы. Та фестиваль ужалоз 8-тӥ шуркынмонозь, отын ик возьматэмын луоз Удмуртилэн атласэз. 300 бамъем атлас 9 люкетлэсь, со усьтэ шаермылэсь инкуазьзэ, историзэ но культуразэ. Татчы 350 картаос но картосхемаос пыртэмын, озьы ик вань городъёслэн но ёросъёслэн планъёссы, — шуиз Иван Иванович.

Шумпотыны кулэ кадь, Удмуртилэн атласэз кылдӥз шуыса, но татын но одӥг пуньы тэкит сюриз. Иван Рысин верамъя, коньдон ӧвӧлэн шаермылэн паспортэз потоз 30 экземплярен гинэ.

Галина Семёнова

 

Удмурт Дунне
By Удмурт Дунне 10 ноября, 2015 10:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<