«Элькуноведение» конкурс лаяснь куд-ог мылкыдъёс

Удмурт Дунне
By Удмурт Дунне 10 ноября, 2015 12:12

Кизер ке луиз, каром нап?

ходыреваУдмуртиысь Композиторъёслэн огазеяськонзылэн тӧроез:

— Удмурт гуръёс азьвыл ӝожмытэсь ке вал, табере шулдыресь, жингресэсь луизы. Куд-огъёсыз — мултэс задор, удмурт шӧмыз уг шӧдӥськы. Выль кырӟанын котьку сяменгес ик 90 процентэз асэстэмын луэ, 10 процентэз гинэ — выль малпамез. Та учыре но тросэз кырӟанъёс перепевъёс вал. Но мыным кельшизы бќдьяос, шарканъёс, пичи пургаос, алнашъёс.

Пинал авторъёслы ӵектэме потэ: кылзэ ӵемгес удмурт классикаез — Г. Корепановез, Г. Корепанов-Камскиез.

копысова

Евгения Копысова,

композитор:

— Азьвыл ваньмыз огвыллемесь ке вал, туэ огезлэсь умой мукетыз. Кырӟанъёс сэзесь луэмын, артистъёс пыр-поч дасяськемын. Нырысь ик сцена вылэ потӥзы пургаос, малпай: вормисьёс, но номеръёс пумен яркытгес но яркытгес луизы. Ми ас поннамы пусйим 3 номерез, оскод оло уд, но ужрад пумын малпанмы быдэсак тупаз учкисьёслэн мылкыдынызы — сыӵеез туж шер луэ.

шибанов

 литературовед, филология наукаосъя кандидат:

— Кырӟан текст но кылбур — пӧртэмгес жанръёс, соин, дыр, шугъяськонъёс кылдӥзы. Тани Алнашысь Л. Ганьковалэн текстэз чылкыт, но крезьгур со борды ӧз лякиськы. Сарапулысь А. Девятовалэн кылъёсыз туж огшорыесь, но фольклор амалэз кутэ бере, ваньмыз туж интыяз. Шаркан ёрослэн кылъёсыз ас кожазы шоро-куспо, но крезьгур соосты ӝутэ.

рябин

Зинаида Рябинина,

«Удмурт дунне» газетлэн валтӥсь редакторез:

— Егит авторъёс арысь аре онгромыто. Текстъёсын чурлы быдэ — йыртӥян: «ог яратэммес золтом», «ӵош ужаломе, зол яратоме, кизер ке луиз, каром нап», «киысь ки кутскыса, шагаськом азьлане…» но мукет. Мар со?
Но пӧлаз вань кылэз шӧдыса гожтэм кылбуръёс. Л. Ганьковалэн, Н. Широбоковалэн, Г. Самсоновалэн, А. Девятовалэн кылбуръёссы чылкыт удмурт кылын жильырто.

Кинэ пусйи вылӥын — дышетэмын анай кылзэс, нош 30 ареслэсь егитгес авторъёс удмурт кылын предложенилэсь радъяськемзэ гинэ ӧвӧл, кызьы кылэз шонер гожтыны уг тодо ни. Валамон, татын соосты пыкылыны уг луы, дыр, но шӧдӥсько, эшшо кӧня ке ар ортчыса, курланы но номыре луоз ни…

Удмурт Дунне
By Удмурт Дунне 10 ноября, 2015 12:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<