Египетын усем самолётын Удмуртиысь адямиос вал

Удмурт Дунне
By Удмурт Дунне Ноябрь 10, 2015 09:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
068843,самолет,небо

Нылъёслэн семьяоссылы одно ик юрттэт висъяськоз.

31-тӥ октябре Шарм-эль-Шейхысь Санкт-Петербурге лобись самолёт пазьгиськыса, 224 адями быриз, со пӧлысь кыкез Удмуртиысь вал.

Ӵапак со рейсэ шедиллям Воткаысь 28 аресъем Мария Шишкина но Можгаысь 23 аресъем Юлия Краснова. Та нылъёс кыкназы ик Санкт-Петербург городын улӥзы.

Мария Шишкина Россилэн уйпал шоркараз выжиз 2013-тӥ арын, ИжГТУ-лэсь Воткаысь ёззэ йылпумъяса. Нылаш малпа ни вал семья кылдытыны, туганэныз ӵош ик самолётын быризы.

Можга городысь Юлия Краснова, 8 номеро гимназиез 2009-тӥ арын йылпумъяса, Санкт-Петербургысь архитектурая но лэсьтӥськонъя институтын дышетскиз но кылем арын ас удысэзъя та городын ик ужаны кутскиз. Ас ужзэ ӟеч быдэсъясь, капчи сямо, котькыӵе уже мыло-кыдо пыриськись нылаш фирмалэн директорезлэн воштӥсез луэм ни вылэм.

Удмурт Республикалэн Тӧроез Александр Соловьёв куректэмез сярысь вераз но оскытӥз, нылъёслэн семьяоссылы одно ик юрттэт висъяськоз шуыса.

«УД»

Туспуктӥз А. Горбунов

Удмурт Дунне
By Удмурт Дунне Ноябрь 10, 2015 09:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<