«Дуннеын анайлэн интыез» ужрад ортчиз Йӧскалык лыдӟиськон юртын

Удмурт Дунне
By Удмурт Дунне Ноябрь 27, 2015 12:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
ёлкин анай

П. Ёлкинлэн суредэз.

Удмуртиысь Национальной библиотека Ижысь Дун-чылкыт Михаиллэн собореныз валче «Дуннеын анайлэн интыез» ужрад ортчытӥзы.

Толон, 26-тӥ шуркынмонэ, Свято-Михайловской черке  Анайлэн нуналэзлы сӥзем ужрадэ люкаськизы республикаысьтымы кивалтӥсьёс, мумы-бубыос, дышетӥсьёс,  егитъёс, нылпиос. Пумиськонлэн нырысетӥ люкетаз вераськон мынӥз анаез но пиналэз кун но черк ласянь утён, семьяын нылпиосты будэтон-визьнодан сярысь.

Ужрадлэн кыкетӥ люкетаз «Дуннеын анайлэн интыез» адӟытонэн тодматскон вал.

Национальной библиотекаысь шер но дуно документъёсъя отделлэн кивалтӥсез Светлана Русских верамъя, анайлы сӥзем выставкаосты библиотека арлы быдэ радъялля, но Дун-чылкыт Михаиллэн собораз та нырысетӥез  адӟытон.

— Анай луонэз котыр ласянь возьматыны выримы. Выставкалэн нырысетӥ люкетэз нимаське «Уте нэнэйёстэс». Со тодматэ анайлэн  но пиналлэн правоосынызы. «Анайлэн чеберез» люкетаз адӟыны луэ анайлы сӥзем вашкала репродукциосты, обросъёсты. Татын ик  возьматэмын Удмуртиысь суредасьёслэн Пётр Ёлкинлэн, Алексей Холмогоровлэн, Семён Виноградовлэн мемилы сӥзем ужъёссы. Ӟуч но кунгожсьӧр классикъёслэсь анай произведениосын тодматэ  выставкалэн «Вашкала но дун-чылкыт кыл» люкетэз, — шуэ Светлана Русских.

Ижысь усточи пиналъёс лыдӟизы анайлы, семьялы сӥзем кылбуръёсты.

Галина Семёнова

Удмурт Дунне
By Удмурт Дунне Ноябрь 27, 2015 12:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<