Дэри ёросын Алла Кузнецовалы сӥзем ӝыт ортчиз

Удмурт Дунне
By Удмурт Дунне Ноябрь 26, 2015 13:58
Кузнецова1

Алла Кузнецова

Кылбурчилэн Алла Кузнецовалэн вордскемез дырысен 75 ар тырмонлы сӥзьыса, Дэри ёросысь Октябрьский каргуртын ортчиз буре ваён ӝыт.

Ӝытэз радъязы Дэри ёрос библиотекаын, муниципал кылдытэтысь «Октябрьский» культурая комплексын но библиотекаын ужасьёс. Та пумиськонын каргуртысь библиотекалы Алла Кузнецовалэсь нимзэ сётон пумысен ужпум ӝутэмын вал. Алла Алексеевна вордӥськемын та муниципал кылдытэтэ пырись Чемошур гуртын.

Шаерысьтымы одӥгез-лэсь тужгес усточи нылкышно кылбурчилэсь нимзэ пыраклы калык пӧлы кельтон пумысен Дэри ёрос администрацие вазиськиз сузэрез Людмила Созонова-Лукиных. Октябрьский муниципал кылдытэтлэн йырыз Борис Зиятдинов пусйиз, та ужпум эскериськоз гурт поселениысь Депутатъёслэн Кенешазы. Кылбурчилэн улэм-вылэменыз, творчествоеныз тодматскон ӝытъёс ортчизы ни Тямаын но Позимь каргуртын.

Таяз пумиськонын но Алла Кузнецова выльысь пӧламы берытскиз кадь. Апаезлэн пичи дырыз сярысь мадиз сузэрез Людмила Созонова-Лукиных, гожъяськон вакытэз, творчествоез сярысь туж аспӧртэмлыко веразы литература удысысь тодосчиос Василий Ванюшев, Любовь Фёдорова, Вера Пантелеева.  Эшсы сярысь тодэ ваёнъёссэс мадизы кылбурчиос Галина Романова но Татьяна Чернова. Ӧтем куноос сяна, асьсэос кузёос но аспал адямизылэсь творчествозэ усьтӥзы кылбуръёсыз, кырӟанъёсыз пыр. Та ӝытын вал ачиз Алла Кузнецова но: экран вылысь чузъяськиз  кылбур лыдӟемез.

Лия Малых

Удмурт Дунне
By Удмурт Дунне Ноябрь 26, 2015 13:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<