Анайлы сӥзем ужрад ортчиз Пичи Пурга ёросысь Кечолын

Удмурт Дунне
By Удмурт Дунне 15 ноября, 2015 09:01
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
shkola1

Пичи Пурга ёросысь Кечол каргуртысь культура юрт.

Пичи Пурга ёросысь Кечол каргуртысь культура юртын Анайлы сӥзем ужрад ортчиз. Нылпиос сяна, ужрадэ пыриськизы анай-атайёс, песянайёс, культура юртын ужасьёс, библиотекарьёс, дышетӥсьёс но воспитательёс.

Сцена вылын асьсэлэсь кырӟаны-вераны, эктыны но маскаръяськыны быгатэмзэс возьматӥзы «Зёрнышко» но «Солнышко» нылпи садъёсысь тэшкылиос,  кырӟанъёсынызы но кылбуръёсынызы шумпоттӥзы Кечол шор ёзо школаысь «Радужка» но «Веснушки» ансамбльёсы ветлӥсь нылпиос. Усточиосты учкыса, залын пукисьёслэн мылкыдъёссы шумпотонэн пачылмизы.

Аслэсьтыз гожтэм кыр-ӟанъёссэ быдэстӥз Кечол шор ёзо школаысь удмурт кыллы но литературалы дышетӥсь Любовь Кочина. Арганэныз шудыса, анай сярысь кырӟанъёсты быдэстӥз Евгений Алёшкин. Ужрадэ мыло-кыдо пыриськизы Шор Кечолысь  «Капчи мылкыд»  но Улысь Кечолысь «Уллапал кенакъёс» ансамбльысь нылкышноос.

Учкисьёсты ӝытбыт шулдыртӥз культура юртысь «Шундыберган» ансамбль.

Эшшо но паймытӥз та Кечол каргуртысь на нуналъёсы вордскем «Бӧляк» ансамбль. Арлыдо нылкышноос аргантэк гинэ туж чебер но сюлме пырымон вашкала кырӟанъёсты быдэстӥзы. Та коллективе ветлӥсь Ольга Калистратова серемес чуръёсты лыдӟиз.

Ужрадэ ӧтемын вал «Удмурт дунне» газетын ужасьёс но. Кечейылын вордскем Элина Кумачёва гуртооссэ газетлэн толло но туннэ нуналыныз тодматӥз. гуртысь библиотекалы кузьмамы «Удмурт дунне» газетлы 100 ар тырмонэн валче поттэм энциклопедической словарез.

— Талэсь но бадӟым мар кузьым луоз на, — шуэ библиотекарь Валентина Аркадьевна. — Та книга культура удысын тыршисьёслы, дышетӥсьёслы, ма, огшоры лыдӟисьёслы но матысь эш луоз. Нош гожтӥськон сярысь ке, газетэз почта пыр гинэ  ӧвӧл, Пичи Пурга черкогуртысь Андрей Кабышев, редакциысь басьтыса, пырак дорамы ик ворттэ. Газет баме печатлам иворъёсты соку ик лыдӟем потэ. Гуртоос но ӵем гинэ библиотекае юромо «Удмурт дуннеез» лыдӟыны пырало. Дунъёс будэмен, гожтӥськемысь дугдӥмы, шуо.

— Мар но газет бамъёсады уд гожъяське, воксё абдрасько, — паймыса ик вера Ольга Калистратова. — Киуж но, сылалтон-пӧраськон но, веросъёс но, кырӟанъёс но. Милемлы, лыдӟисьёслы, со ваньмыз кулэ. Тужгес но лыдӟем потэ гуртын улӥсьёс сярысь гожъямъёстэс. Аслэсьтыд улэмдэ ӵошатыны быгатӥськод. Нош ай кабзэ вератэк кельтӥсько вылэм, вань серемес чуръёсме «Удмурт дунне» газетысьтыды басьтӥсько ук. Сыӵе мыным соос кельшо. Газетэз киям кутӥсько ке, сюлмы ик ырак луэ, йылысеныз пумозяз мон сое лыдӟыса потӥсько.

— Тросгес сценкаосты печатлалэ, — ми борды итӥське Валентина Аркадьевна. —  Соос милемлы туж кулэ. Библиотекае ветлӥсьёс шумпотыса лыдӟо «Ваньмон дыръя» сэрегдэс. Классикъёслэсь произведениоссэс вунэтыны кутским ни вал, шуо. Малпасько, соос егит лыдӟисьёслы но пайда гинэ ваёзы. Трос сётъялэ сыӵе произведениосты. Туала гожъясьёслэсь но чуръёссэс лыдӟем потэ вылэм.

Любовь Тихонова

Туспуктӥз М. Золотарёва

 

Удмурт Дунне
By Удмурт Дунне 15 ноября, 2015 09:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<