Dart-эз брендлы пӧрмытоно!

Удмурт Дунне
By Удмурт Дунне Ноябрь 24, 2015 12:26
дарт, Рябинина

Егитъёс, газет лэсьтэм сяна, пӧртэм ужрадъёс но ортчытъяло: кылбур лыдӟонъёс, творческой пумиськонъёс но концертъёс.

Dart газет сярысь доклад чузъяськиз «Россиысь ивор вӧлмытонын национальной прессалэн интыез» конференциын. Сое ортчытӥзы «Удмурт дунне» газет но УдГУ-ысь Удмурт кылосбуръя, финно-угроведениея но журналистикая институт.

Dart газет кылдӥз пӧртэм мугъёслы луыса. Нырысь ик, со герӟаськемын Интернетлэн удмурт егитъёслэн улоназы пыременыз. Озьы егитъёслэн асваланзы шӧдскымон ӝутскиз. Зинаида Рябинина, «Удмурт дунне» газетлэн валтӥсь редакторез, верамъя, пумиськонъёсын егитъёс газет поттонэ пыриськыны мылкыд каремзэс вераллязы. Со бордысь ик кылдӥз газетлэн валтӥсь тодметэз: отчы гожъяськись  егитъёс редакциын уг ужало. Тросэз соос дышетскемын яке дышетско журналистлы, филологлы — Юлия Турова, Марина Пахомова, Евгения Корепанова, пӧлазы вань школаын дышетскисьёс но — Полина Куликова.

Докладын газет пӧртэм ласянь эскеремын вал: тусызъя, пуштросэзъя но ужез радъян амалъёсызъя.

4 ар ӵоже Dart газет удмурт егитъёс пӧлын тужгес лыдӟымонэз газет луиз. Та дыр куспын со бордын ужазы пӧртэм адямиос, кылсярысь, Дарали Лели, али газетэз потто «Удмурт дуннеысь» егит дизайнер Вера Штыкова, журналист Мария Векшина но Эстониысь Тарту университетын дышетскись Настя Шумилова.

— Дыр азинске, соин ӵош газетлы куронъёс но воштӥсько, — пусйиз Мария Векшина. — Соин сэрен Dart газет бордын ужасьёс ас азязы пӧртэм ужпумъёс пукто. Соос пӧлын — выль авторъёсты будэтон, Dart газетлэсь сайтсэ лэсьтон, лыдӟисьёсын интерактив кылдытон, газетлэсь электрон вариантсэ коть турлы буёло карон, Dart-эз брендлы пӧрмытон.

Егитъёс, газет лэсьтэм сяна, пӧртэм ужрадъёс но ортчытъяло: кылбур лыдӟонъёс, творческой пумиськонъёс но концертъёс.

Конференцие пыриськисьёс но газет сярысь малпанъёссэс шараязы. Ӵемысь, пе, отын одӥг авторъёс печатласько, потэ вал лыдӟеммы, кылсярысь, медициная академиысь егитъёслэсь гожъямъёссэс. Уж трос на, Dart ёросъёсысь школаосын дышетскисьёс доры пота, арысь аре бордаз пӧртэм быгатӥсь егитъёсты кыске.

Dart

Туспуктӥз А. Горбунов

 

 

Удмурт Дунне
By Удмурт Дунне Ноябрь 24, 2015 12:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<