Удмурт кылъя но литературая дышетӥсь Светлана Малинина Россиысь дышетӥсьёс пӧлын 2-тӥ!

Удмурт Дунне
By Удмурт Дунне 9 ноября, 2015 12:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
_DSC1937

Светлана Малинина 2014-тӥ арын элькунысьтымы анай кылъя дышетӥсьёс пӧлын вормисе потӥз

Шаркан ёросысь Ляльшур школаысь удмурт кылъя но литературая дышетӥсь Светлана Малинина 2-тӥ интыен берытскиз Россиысь анай кылъя дышетӥсьёслэн вожвылъяськонысьтызы.

Ӵошатсконлэн нырысетӥ этапаз кужымзэс мертазы Россилэн пӧртэм сэрегъёсысьтыз 180 дышетӥсьёс. Но со пӧлысь 40-эзлы гинэ кылдӥз Москвае мыныны, вожвылъяськонлэн кыкетӥ этапаз пыриськыны.

Светлана Малинина 2014-тӥ арын элькунысьтымы анай кылъя дышетӥсьёс пӧлын вормисе потӥз вал, озьы солы Россиысь вожвылъяськонэ пыриськыны сюрес усьтӥськиз. Со вылӥ тодон-валанъёссэ, быгатонлыкъёссэ возьматӥз.

— Светлана Васильевна утчаськонъёслы нимысьтыз саклык висъя, — вераз Ляльшур школаысь директорлэн воштӥсез Ольга Николаева. — Соин ик, Москвае кошкыкуз, шуиз вал: исследованиосъя номинациын, оло, пусъёзы ик. Нош ми оским вормонэзлы. Угось тодӥськом, макем ӟеч специалист со. Туннэ милям вань нылпиосмы удмурт кылъя но литературая урокъёсы ветло, ӟуч нылпиосмы но соосты уг кельтыло. Удмурт кыл милям котькуд сэрегын чузъяське — та но потэ удмурт кылъя дышетӥсь бордысь.

Светлана Малинина 23 арзэ сӥзиз ни Ляльшур школалы. Ужамез пусъемын «Россиысь огъя тодон-валан сётон удысысь отличник»  нимын но уно Данъян грамотаосын.

 Элина Кумачёва

Туспуктӥз В. Беломорских

Удмурт Дунне
By Удмурт Дунне 9 ноября, 2015 12:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<