«Удмурт Кенеш» поттӥз пайдаё дырпус

Удмурт Дунне
By Удмурт Дунне Октябрь 19, 2015 16:17
дырпус4

Дырпусъёс люкылэмын луозы школаосы, элькунысьтымы но палэнын улӥсь удмуртъёс пӧлын.

«Удмурт Кенеш» огазеяськон поттӥз вуоно арлы дырпус. Со фин-угор калыкъёслы сӥземын.

Бамысь баме выжыса, ми вуиськом пӧртэм калыкъёслэн дуннеосазы. Котькуд бам тырмытэмын калыкъёслэсь культуразэс, сям-йылолъёссэс, улонзэс возьматӥсь туспуктэмъёсын. Со сяна, дырпусысь лыдӟыны луэ пӧртэм калык сярысь тунсыко ивортон. Кылсярысь, комиослэн бам вылысьтызы тодӥськом: семьяе выль кен вуэ ке, со вуж пӧраськон чугунэз вылезлы воштэ. Озьы,пе, со возьматэ: табере та юртын мон кузё. Коми шаерысь лыктэм кырӟась А. Немчинова та сям-йылол сярысь уг тоды вылэм.

— Коми кыллэн 11 диалектэз, — вера кырӟась. — Уйпал комиос уз валалэ лымшоръёсты, шундыӝужан палъёс уз валалэ шундыпуксён палась адямиосты. Соин сэрен сям-йылолъёсмы но милям пӧртэмесь.

Дырпусэ пырем троссэ калыкъёсты та ӝытэ улэпкын адӟыны луиз. Мордваос понна кыл кутӥз Удмуртиысь «Умарина» общество, «Чипчирган» ансамбль калыкез удмурт дуннее выйтылӥз. Пор культураен тодматӥз Марий Элысь «Эрвел Мари» ансамбльысь эктӥсь-кырӟасьёс, эстонъёсты возьматӥз сету «Хыбехал» ансамбль, венгеръёсты «Юхош» ансамбль. Таос шаерамы радъяськись «Палэзян» фестивале вуэмын вал. Видеоос пыр тодматским карелъёсын, вепс, лив но водь калыкъёсын. Жаляса верано, 2010-тӥ арын ортчем лыдъян-чотан возьматӥз: водьёс 64  адями сяна кылемын ӧвӧл ни.

чипчирган

Дырпусэ пырем троссэ калыкъёсты та ӝытэ улэпкын адӟыны луиз.

Ваньмыз та сярысь ивортэ дырпус. Тросэз пусйизы, со туж чебер, учкымон но пайдаё пӧрмемын шуыса. Умой луысал, дырпус школаосы но сюрысал ке.

— Йӧскалык политикая министерствоен ялэмын вал ӵошатскон. Отчы «Удмурт Кенеш» пыриськиз но вормисе потӥз. Озьы кылдӥз та календарь, — вераз «Удмурт Кенеш» огазеяськонлэн вице-президентэз Татьяна Ишматова. — Али возьмаськом уксё. Сётӥзы ке, поттомы 170 экземпляр. Дырпусъёс люкылэмын луозы школаосы, элькунысьтымы но палэнын улӥсь удмуртъёс пӧлын. Бергес, оло, вузаны но печатлалом.

«УД»

Удмурт Дунне
By Удмурт Дунне Октябрь 19, 2015 16:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<