Тужгес усто хозяйствоосты но комбайнёръёсты премиен пусъизы

Удмурт Дунне
By Удмурт Дунне 29 октября, 2015 11:32
13449,комбайны,день поля,РОССЕЛЬМАШ,сельское хозяйство

Усто ужам комбайнёръёс быдэн 20 сюрс манет премия басьтозы.

Арлы быдэ Гурт удысъя но сиён-юонъя министерство, бусы ужъёслы йылпумъянъёс лэсьтыса, тужгес усто хозяйствоосты но комбайнёръёсты премиен пусъе.

Уйпал ёросъёсты учконо ке, тужгес трос, гектарысьтыз 24,4 центнер, урожай басьтыны быгатӥз Глазов ёросысь «Чура» хозяйство. Таослэсь 2 центнерлы гинэ кылиз Шарканысь «Восход». 3-тӥ инты сётэмын 20,5 центнер басьтэм Эграысь «Чутырский» СПК-лы.

Лымшоръёслэн урожайзы эшшо но тросгес люкаськиз. 1-тӥ интые потӥз Вавож ёросысь «Удмуртия» СПК — гектарысьтыз 33,9 центнер калтӥзы. 2-тӥ луиз 30,8 центнер люкам Гракысь «Родина» хозяйство. 30,2 центнер урожай басьтыса, 3-тӥ луиз Вавожысь «Колос». Нош тужгес трос урожай калтыны пӧрмытӥз Сарапулысь «Кигбаево агро» хозяйство — 19 сюрс 241 тонна тысь люказ. Ляб ужам 13 ёросэз ӵош карид ке, ӵапак тамында люкаськоз. «Кигбаево агролэсь» кивалтӥсьсэ Михаил Широбоковез туэ шаермылэн Данъян пул вылаз пыртозы.

Министерствоысь будосъёсъя но музъем кусыпъёсъя управлениен кивалтӥсь Николай Широбоков верамъя, ю-нянь утялтонын туэ 1 сюрс пала комбайнёръёс ужазы. Куспазы вожвылъяськон но зол вал. Но Шаркан ёросысь Н. Собинлэн хозяйствоысьтыз Алексей Савельевез нокин ортчыны ӧз быгаты, со 1 сюрс 966 тонна тысь кутсаз. Татын уго туала комбайнъёсын ужало, соин но азьмынӥсьёс радэ пото. 1 сюрс 574 тонна кутсаз Можга ёросысь «Родинаысь» Виталий Петров. Солэсь 37 тонналы гинэ кылиз Дэри ёросысь «Путь Ильича» хозяйствоысь Геннадий Ашпалатов. Таосты Удмуртилэн Тӧроез Александр Соловьёв сӥлы кароз 22-тӥ октябре. Усто ужам комбайнёръёс быдэн 20 сюрс манет премия басьтозы.

Елена Сараматова

 

Удмурт Дунне
By Удмурт Дунне 29 октября, 2015 11:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<