Ӧтчаське «Зарни сӥзьыл» ярмарка

Удмурт Дунне
By Удмурт Дунне 21 октября, 2015 08:44
1-16-1

Кылем арын сямен ик, туэ но Ижысь ипподромын радъяськоз сӥзьыл вуз карон.

Гурт удысын тыршисьёсты сӥлы карыса, шаерамы арлы быдэ ортче «Зарни сӥзьыл» ярмарка. Пӧртэм уз луы туэ ар но: 7-тӥез ярмарка ӧсъёссэ усьтэ ӵапак ӵуказе, 17-тӥ октябре, 9 часын ӵукна Ижысь ипподромын. Сое радъя элькунысьтымы Гурт удысъя но сиён-юонъя министерство.

Ярмаркаысь котьмае шедьтод: йӧл-вӧй, сӥль, кеньыр, пызь, курегпуз, чорыг, бакчаын ужан арбериос но трос мукет. Вань сиён-юон гуртын поттэмын, быдэсак тупа экология куронъёслы но калыклы ӵектӥське дунтэмгес дунын. Ярмаркае лыктэмъёс басьтыны быгатозы «улэп» вузэз но: кылсярысь, пӧртэм выжыысь кроликъёсты, тылобурдоосты но трос мукет.

Гурт удысъя но сиён- юонъя министерство ивортэмъя, та ярмаркае пырисько ог 200 пала производительёс: гуртъёсысь бадӟым хозяйствоос но, фермеръёс но, мушкасьёс но, переработкая предприятиос но — тамындагес ик луозы туэ но. Кылем арын та вакытэ ик ортчем ярмаркае вуылӥз 15 сюрс адями, куазь зориз, кезьыт вал ке но. Тунсыко: картошкаен вуз карон радъяськиз 35 интыын, чечыен — 50 точкаын. Туэ но ӝажыос талэсь ӧжыт уз луэ, шӧдске. Со сяна, ярмаркае лыктэмъёс кунояськыны быгатозы пыжем сӥлен, пӧсь чаен, калыклэсь мылкыдзэ ӝутозы кырӟасьёс-эктӥсьёс.

«Зарни сӥзьыл» ярмаркаысь вуз басьтон пайдаен берытскоз гуртысь производительёслы но: табышсы йылоз, вылӥ ӟечлыко продукцизы сярысь ивор вӧлмоз. Нош таиз туж интыяз странамылы пумит санкциос дыръя.

Елена Никитина

Туспуктӥз В. Беломорских

Удмурт Дунне
By Удмурт Дунне 21 октября, 2015 08:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<