Ӵошатскозы дышетӥсьёс

Удмурт Дунне
By Удмурт Дунне Октябрь 5, 2015 13:26
Молодой учитель

«Егит педагог — 2016» конкурс 4 номинацияя ортчоз.

Кизнер ёросын 19 дышетон учреждение, отын тодон-валан люка 2 сюрс 381 пинал, со пӧлысь 304-ез — нырысетӥ классэ ветлӥсьёс. Нылпиосты визьноданы ёросысь школаосы туэ вуиз 11 егит дышетӥсь.

Кизнер ёросысь дышетонъя управленилэн кивалтӥсез Валентина Орехова верамъя, та дышетӥсьёс палэнысь ӧвӧл, асьсэ ёросысь потэмъёс ик, диплом басьтыса, вордскем палъёсазы ужаны вуэмын.

— Пинал специалистъёсмылы юрттыны тыршиськомы. Соосты лӧпкытон, творчествозэс усьтон понна нырысьсэ радъяськомы «Егит педагог — 2016» ӵошатскон. Та конкурсэ пыриськыны быгатозы 35 аресозь дышетӥсьёс, ужам стажзы вить арлэсь ӧжыт медаз луы. Ёрос вожвылъяськон 2 люкетлэсь луоз. 14-тӥ декабрьысен 15-тӥ январёзь конкурсэ пыриськисьёс понна радъяськозы семинаръёс. Ӵошатсконлэн кыкетӥ люкетэз ортчоз вуоно арын февраль-март толэзьёсы. Егит дышетӥсьёслэсь ужаны быгатэмзэс эскероз нимысьтыз жюри. Озьы ик дунъялоз «Мынам профессие — дышетӥсь, визьнодась, педагог….» темалы гожтэм малпанъёссэс, — шуэ Валентина Семёновна.

«Егит педагог — 2016» конкурс 4 номинацияя ортчоз. Асьсэлэсь визьмо, усто но туала луэмзэс возьматозы дышетӥсьёс, воспитательёс, директорлэн воштӥсьёсыз, классэн кивалтӥсьёс, логопедъёс, психологъёс но мукет специалистъёс.

Ёрос конкурсын вормисьёс тодмо луозы вуоно арын тулыс. Соос пусъемын луозы синпель кузьымъёсын.

«УД»

Удмурт Дунне
By Удмурт Дунне Октябрь 5, 2015 13:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<