«Новый взгляд» форум мытӥськоз Удмуртиын

Удмурт Дунне
By Удмурт Дунне 29 октября, 2015 09:07

взглядШаерысьтымы кивалтӥсьёс та нуналъёсы тыршизы Москваын — отын ортчизы Удмуртилэн нуналъёсыз. Политикаен, социальной удысэн герӟаськем юанъёс сяна, саклык висъяськиз егитъёсын ужанлы но.

Мугорез кыдатонъя, спортъя но егитъёсын ужан политикая министр Игорь Краснов Москваысь кивалтӥсьёсты Удмурт шаерлы воксё синмаськытӥз, шуыны луоз. Таяз радэ — элькунамы егитъёсын ужан политикаез радъян ласянь. Мукет улосъёсын ӵошатоно ке, шаерысьтымы егитъёс мыло-кыдогес пырисько проектъёсты кылдытонэ. Но таин гинэ соосты уд буйгаты ни: нылъёс но пиос дасесь проектъёссэс пыӵатон борды али ик басьтӥськыны, шуиз министр. Озьы Мускоысь кивалтӥсьёс шуизы: выль федерал проект усьтонэз осконо Удмурт шаерлы. Нимаськоз со «Новый взгляд» шуыса, сӥземын егитъёслэсь кичӧлтонъёссэс-проектъёссэс быдэстонлы.

Со улсын егитъёс, дэмен кариськыса, сэрттозы-пертчозы туала обществоысь тужгес лэчыт ужпумъёсты, кенешозы кивалтонъя ёзъёсты проектъёссэс пыӵатонэ кыскон сярысь. Форум радъяськоз арлы быдэ сямен пӧртэм улосъёсын. Но нырысетӥез ортчоз туэ толсуре Удмуртиын.

Та форумлы кутскон сётӥз социальной рекламалы сӥзем «Новый взгляд» конкурс. Со 6 ар ӵоже 33 сюрс ужъёсты люказ. Пӧртэм суредъёс, видеороликъёс пыр егитъёс возьматыны тыршизы сюлэмзэс бугыртӥсь ужпумъёсты. Соосты табере сэрттыны-пертчыны тыршозы бадӟым форум улсын.

* * *
Нош кыӵе ужпум сюлмаськытэ тонэ, егит муртэ, та вакытэ? Шыпыт эн ул, эн бабы — Интернетысь шедьты «Мир молодёжи» фондлэсь сайтсэ — mirmolodezhi.ru. Отын 14-ысен 30 аресозь егитъёслы луонлык усьтэмын сюлэмзэс усьтыны, бичатӥсь ужпумъёссы сярысь шара вераны. Отын ик ӵектыны луоз созэ я тазэ проектэз быдэстонъя выль амалэз.

Елена ТУГАШОВА

 

Удмурт Дунне
By Удмурт Дунне 29 октября, 2015 09:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<