Мувӧй дунъёс кулэсмо. Мар вите асьмеды азьланяз?

Удмурт Дунне
By Удмурт Дунне Октябрь 27, 2015 12:04
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
x000345,A000,нефть,качалка,нефтедобыча

Макем зол усёз мувӧй дун, сокем зол сэзъялоз манетмес.

Элькунысьтымы Экономикая министерствоысь специалистъёс шуизы: федерал центр косӥз одӥг арлы бюджет кылдытыны. Манетлэн дуныз угось син куспын вошъяське, соин ик бюджетэз кема дырлы чакланы уз луы. Кызьы тодӥськомы, бюджетъёсты азьвыл аръёсы юнматылӥзы 3 арлы.

— Бюджет кутӥське, мувӧйлэсь дунзэ лыдэ басьтыса, — вераз элькунысьтымы финансовой грамотностья движенилэн кивалтӥсез, коньдон ужпумъёсъя аналитик Сергей Алтынцев. — Мукет кунъёслэсь экономиказэс чаклано ке, соос вылын сокем уг шӧдӥськы «сьӧд зарнилы» дунлэн вошъяськемез. Нош асьмеос табыш поттӥськом, инкуазь узырлыкъёсмес вузаса. Макем зол усёз мувӧй дун, сокем зол сэзъялоз манетмес. Секыт вераны, мар луоз азьланяз. Но аналитик сямен вераны быгатӥсько: Россиысь банк ваньзэ валаса нуэ, котькуд учырлы тупась амал шедьтэ.

Та югдурын мар кароно огшоры калыклы? Аналитик ӵектэ:

— Экономикаын шуг-секытъёс вань-а, ӧвӧл-а, мон котьку но ӵектӥсько уксёез шыръяны. Нош асьмелэн кызьы луэ: бадӟым кредитэ пырыса, дуно машина басьтӥськомы яке узыр сюан ортчытӥськомы. Асьмелы дышетсконо уждунмыя улыны. Ӧжыт басьтӥмы — ичи быдтӥмы. Банкысь пунэмаськыны эн дыртэ, умой луоз, тодмоостылэсь юрттэтсэс куриды ке. Луонлыкты вань ке, табышысьтыды пичи ке но люкетсэ люканы тырше, оскымон банкын вклад усьтэ. Долларлэн но евролэн дунзы ӝутскиз бере, куд-огез тырше манетсэ та валютае берыктыны но банкын возьыны. Но Удмуртиын таӵеос трос ӧвӧл: вклад усьтэмъёс пӧлысь 89 процентэз табышсэс манетэн возё. Мон шуысал, шонер лэсьто. Угось адӟиськомы дуннеысь югдурез: Европаез ӝокан калэ вутто ни мигрантъёс, сюлмаськытэ Сириысь, Украинаысь югдур. Огъя учконо ке, шаерамы улӥсьёслэн коньдон ужпумъёсъя грамотазы ӟеч, шуыны луоз. Угось экономикаын шуг-секытъёс кылдэм бере — кылем арлэн пумысеныз та дырозь — калык уксёзэ шыръяны кутскиз. Центробанклэн сайтысьтыз лыдпусъёссэ чаклано ке, туэ ӝыны ар куспын шаерысьтымы банкъёсын вклад усьтэмъёслэн лыдзы 8,4 процентлы йылӥз. Озьыен, калык уксёзэ люканы тырше.

«УД»

Туспуктӥз А. Горбунов

Удмурт Дунне
By Удмурт Дунне Октябрь 27, 2015 12:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<