Мар висьытэ Киевез, Москваез но Ижез?

Удмурт Дунне
By Удмурт Дунне Октябрь 21, 2015 09:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
яцен

Донбассысь оже пыриськемез понна но Россия тыроно луоз.

Дуннеын

Кытысь потӥз триллион?

Украинаысь правительстволэн йырыз А. Яценюк Россиез кышкатыны выриз: кунмы, пе, 1 триллион доллар тыроно луоз Крым понна.

Та борды ватсаз на: Донбассысь оже пыриськемез понна но Россия тыроно луоз, нош Украиналэсь чагыр эстӥськон понна пунэмъёссэ капчиятыны кулэ. Та пумысен Европаысь адямиослэн правооссыя судэ вазиськыны малпаськом, пусйиз Яценюк.

Кремлез та вазиськон паймытӥз: кытысь кылдӥз 1 триллион? Нош пунэмъёс сярысь ке, Москва мылкыдзэ ӧз вошты: Украина тыриськонъёссэ дыраз пытсаны кулэ.

Демография ласянь бере кылись улосъёслэн списоксы вань: вуоно арын соослы ватсаса юрттэт сётӥськоз.

Россиын

Демографиез ӝутон амал

Правительстволэн Тӧроез Дмитрий Медведев юнматӥз демография ласянь бере кылись улосъёслэсь списоксэс: вуоно арын соослы ватсаса юрттэт сётӥськоз.

Списоке пыртэмын 53 улос — татын нылпиос ӧжыт вордско, кулэмъёслэн лыдзы уг кулэсмы. Отчы шедемын, кылсярысь, Крым но Севастополь, озьы ик Приволжск федерал округысь улосъёс — Самара, Киров, Пенза, Марий Эл, Коми, Чувашия, Мордовия. Татысь 3 но солэсь трос нылпи вордӥсь семьяослы федерал бюджетысь толэзьлы быдэ коньдон висъяськоз.

Россилэн казнаяз талы 13 миллиард манет чакламын. Удмурт шаер та списоке шедемын ӧвӧл, демографияя югдур шаерамы ӟеч.

респ

«Шаермылэн данэз» адӟытон.

Удмуртиын

Кунлыкез данъяса

К. Герд нимо национальной музейын толон усьтӥськиз «Шаермылэн данэз» адӟытон.

Со сӥземын Удмурт Республикалэн кунлык басьтэмез дырысен, озьы ик элькунысьтымы Национальной музей усьтӥськем дырысен 95 ар тырмонлы. Адӟытонын тодматскыны луоз 1920-тӥ арысен люкам арбериосын — котькудӥз соос герӟаськемын Удмуртилэн историеныз. Со сяна, адӟыны луоз И. Наговицынлэсь, К. Гердлэсь, Т. Борисовлэсь котыръёссэс — ӵапак та адямиос пыриськизы республикамылэсь кунлыксэ дуронэ. Адӟытон кыстӥськоз туэ ар пумозь.

Елена Никитина

Удмурт Дунне
By Удмурт Дунне Октябрь 21, 2015 09:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<