М. Покчи-Петров — со улэп! Со улэ!

Удмурт Дунне
By Удмурт Дунне 5 октября, 2015 11:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

22-2-2Туж вазь кошкиз улонысь Михаил Покчи-Петров. Та вакчи улон даураз поттыса вуттӥз «Тодматскон» но «Малпаськон» кылбур бичетъёссэ.

М. Покчи-Петров улонысь кошкем бере Можга педучилищеысь удмурт кылъя но литературая дышетӥсь, литературной кружоклэн кивалтӥсез Екатерина Алексеевна Коновалова, мынам анае, вераз: «Мишаез улэп ӧвӧл ни шуэме ик уг луы. Ялан луло кадь! Лыдӟисьёс тодо сое, кылбуръёссэ лыдӟо, радио пыр чузъяське куараез, жингырто кырӟанъёс… Со улэп, со улэ!»

Нош ваньмыз кутскиз литературной кружок бордысен. Критик но литературовед Алексей Ермолаев, ас вакытаз кружоклэн ужаз мыло-кыдо пыриськись мурт, тазьы вера дышетӥсьсы сярысь: «Е. А. Коновалова усто дышетӥсь вал. Вань ужан вакытаз со пал кыл но ӧз поттылы братэз Михаил Коновалов, солэн эшез, прозаик Григорий Медведев, репрессиос улэ шедем трос мукет муртъёс сярысь. Со вал озьы ик аспӧртэм мастерство…»

Екатерина Коновалова юн кусып возиз Удмуртиысь Писательёслэн огазеяськонэнызы. Кылбурчиос, прозаикъёс туж ӵем вуылӥзы пумиськонъёсы. Тодӥсько Аркадий Клабуковез, Трофим Архиповез, Михаил Петровез… Ма, ваньзэ вераса но уд быдты! Дорамы но ӵемысь кожаллязы. Анае, куноосты утялтыны шуыса, монэ шыд пӧзьтылыны косылӥз. Мар шедьтӥсько, ваньзэ понӥсько вал. Ческыт шуыса сиылӥзы. Самоварен чай вӧзын вераськон, лэчыт ужпумъёсты сэрттон-пертчон котьку ик кемалы кыстӥськылӥз. Кӧтыз сюмаку Миша но пыралляз дорамы. Солэн усьтонэз но вал коркасьтымы.

Тодӥсько на Василий Садовниковлэсь педучилищее вуылэмзэ. Соку дышетскисьёсын солэн пьесаосызъя инсценировкаос дасямы. Валтӥсь ролез шудӥз Миша Петров. Со сяна, Мишамы сцена вылысен туж быгатыса лыдӟиз «Пань-пань — котэм нянь» серемес вероссэ. Учкисьёслэн сцена вылысь сое кема лэземзы ӧз поты. Мишалы соку ик «артист» ним лякиськиз.

1951-тӥ арын 4-тӥ октябре Москваысь ГИТИС-ын дышетскыкуз, М. Покчи-Петров, анаелы Е. Коноваловалы тау карыса, ыстэм аслэсьтыз туспуктэмзэ, кылбур чуръёссэ.

Ортчо аръёс, зарни вакыт,
Кызь ар тырмиз туннэ.
Кызь ар ӵоже мон  туж ӧжыт
Валай али улонэз…
Тау дуно анаелы,
Вордӥз монэ дунне вылэ.
Солы кадь ик тау  Тӥледлы,
Тӥ ӝутӥды монэ вылэ.

Мира ИВАНОВА. Дэри ёрос, Юськи черкогурт

Удмурт Дунне
By Удмурт Дунне 5 октября, 2015 11:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<