«Льӧмпу сяська» усьтӥськиз Москваын

Удмурт Дунне
By Удмурт Дунне 5 октября, 2015 08:26
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
удмуртлем

«Льӧмпу сяська» ансамбль «Битва хоров» конкурсын 2-тӥ инты басьтӥз.

Дэбес ёросысь Удмурт Льӧмпу гуртысь «Льӧмпу сяськаос» ансамбль Москваын ортчем «Битва хоров» конкурсын кыкетӥ инты басьтӥз.

Москваын пумиськизы дуннеысь 15 коллективъёс, 11-ез соос пӧлысь Россиысь. Удмурт шаермылэсь данзэ утиз Дэбес ёросысь Удмурт Льӧм гуртысь «Льӧмпу сяськаос» ансамбль. Соос  «Сюан гурез» быдэстыса но солдатэ келянэз возьматыса, бадӟым конкурс пыр ортчизы но «Битва хоров» конкурслэн финалаз потӥзы. Нош таяз концертлы соос выль программа дасязы ни — «Кенэз пылатон». Песянейёс та вылын 2 толэзь ужазы. Кен луиз егит Мария Белослудцева, нош егит карт – Артемий Гаврилов. Пияш со сяна, дуннеысь дано кырӟасьёсын радын нимысьтыз кырӟаз.

Удмурт Льӧм гуртысь песянайёс мускоосты зол паймытӥллям, луоз. Конкурс ортчем бере одӥг вотэсбамын ивор потӥз. Отысь лыдӟиськом: «Удмуртиысь «Льӧмпу сяська» учкисьёсты зэмос театре вуттӥз кадь. Соос возьматӥзы калыксылэсь «Кен пылатон» сям-йылолзэ, сое, пе, ортчыто сюан дырысен ар ортчыса. Турнан дыре кенэз пылато — озьы сое бызем кышномуртъёс пӧлазы пырто. Песянайёс ваньзэ лулысь-сюлмысь возьматӥзы зэмос улонын кадь, нош учкисьёс ӧз жалялэ кичабонъёссэс, залын «Браво!» кесясъкем кема чузъяськиз».

Калыклэн кичабонъёсыз юнме ӧй вал — «Льӧмпу сяська» ансамбль «Битва хоров» конкурсын 2-тӥ инты басьтӥз.

— 2-тӥ инты басьтӥм шуыса тодэммы бере тэтчаны ик кутским, юн шумпотӥм, — вера Артемий Гаврилов. — Сцена вылын но кулисаос сьӧрын но сылыкумы, сюлэмъёсмы дырекъязы, киосмы пӧсектӥзы.  Угось милям гинэ ансамбльмы калык самодеятельной вал.

Концерт йылпумъяськем бере «льӧмпу сяськаосты» ӟечкыланы трос адямиос вуылӥзы, тросэзлы возьматэм сям-йылолъёс тунсыко потӥллям, учкисъёс песянайёслэсь пыр-поч юалляськизы, пе.

«УД»

Туспуктӥз В. Нуриахметов

Удмурт Дунне
By Удмурт Дунне 5 октября, 2015 08:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<