Кытысь шедьтоно удмурт кылъя курсъёсты?

Удмурт Дунне
By Удмурт Дунне 7 октября, 2015 14:22
удму

Ижын удмурт кылэз дышетонъя 7 группа люкамын.

Улӥсько Ижын, удмурт кылэз дышетэме потэ. Тодӥсько: та понна нимысьтыз курсъёс радъяськыло, туэ арлы группаос быдэсак кылдытэмын ни-а?

Елена Наговицина.

Иж город

Валэктон сётэ нациосын ужан политикая министр Лариса Буранова:

— Ижын удмурт кылэз дышетонъя 7 группа люкамын ни, котькудаз — ог 20-25 адями. Соос ужалозы Удмурт кун университетын, Эшъяськон юртын, Кузебай Герд нимо гимназиын, Улосэз азинтонъя институтын, Гуманитарияя лицейын, 70 номеро школаын, 23 номеро библиотекаын. Кин ӧз вутты на гожтӥськыны, али но бер ӧвӧл.

Нялтас вераса, удмурт кылэз дышетыны мылкыд карисьёс, Ижын сяна, шаерысьтымы мукет городъёсын, ёросъёсын но люкаськизы. Озьы, котьку сямен ик, курсъёс ужалозы Глазовын. Эшшо — Можгалан, Воткаын, Сьӧлталан, Кезын, Пичи Пургалан но Дэбесын.

Вань та курсъёсын сёто удмурт кыллэсь инъетсэ — отчы ветлӥсьёс дышыны кулэ ӟечбуръяськыны, тодматскыны, лавкаын басьяськыны но мукет. Талы 3 толэзь дыр висъяське. Кинлэн мургес дышетэмез потоз — таослы но нимысьтыз группаос кылдытыны луоз. Но, малпасько, соиз дунын луыны кулэ ни — дышетӥсьлы уждунлы ке но мед тырмоз со. Али таӵе группаос ӧвӧл.

Удмурт Дунне
By Удмурт Дунне 7 октября, 2015 14:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<