Кыл вӧзы — книга

Удмурт Дунне
By Удмурт Дунне 29 октября, 2015 09:36
ар серги

Ар бырытозь, Ар-Серги но П. Чушъялов мукет удмурт школаосы но вуылыны малпало.

Литературалэн арезлы сӥзьыса, Кияса ёрос библиотека радъяз Удмурт шаерысь калык писателен Вячеслав Ар-Сергиен но Кун Кенешысь депутатэн Павел Чушъяловен пумиськон.

Пумиськонэ вуизы ёрос больницаысь ветеранъёс, шор ёзо школаысь кадетъёс, литератураен, искусствоен тунсыкъяськисьёс. «Кам вылын» выль книгаеныз тодматэм сяна, Ар-Серги ас кылбуръёссэ удмурт но ӟуч, азербайджан но черногор, бигер но поляк кылъёсын лыдӟиз. Люкаськемъёс калык писательлы трос юанъёс дасяллям.

Удмурт литература, удмурт кылын газетъёс, удмурт урокъёс, удмурт школаослэн ворсаськемзы пумысен сюлэм висёнзэ усьтӥз Павел Чушъялов. Со трос лэсьтэ удмурт культура понна.

Куноос вуылӥзы Вуж Салья школае. Куанӥськиз, пе, сальяосын удмурт сямен лабыртыны. Ар бырытозь, Ар-Серги но П. Чушъялов мукет удмурт школаосы но вуылыны малпало.

Геннадий Парфёнов

Удмурт Дунне
By Удмурт Дунне 29 октября, 2015 09:36