Кулэ меда урод берыктэмъёсты поттон понна коньдон быдтыны?

Удмурт Дунне
By Удмурт Дунне 1 октября, 2015 13:03
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
конф

«Удмурт дунне» газетысь кыл кутӥсь секрертарь Ольга Вахитова егитъёслэн гожъяськемзы сярысь ужпум ӝутӥз.

Кылысь кылэ берыктӥсьёслэн калыккуспо нуналэзлы сӥзьыса, УдГУ-лэн лыдӟиськон юртаз ортчиз «Берыктон луд» конференция-миникемп.

Тани 10-тӥ арзэ ни Удмурт кылосбуръя но журналистикая институт бордын ужа киноосты но комиксъёсты удмурт кылэ берыктонэн вырись «Берыктон луд» клуб. Та дыр куспын солэн тыршеменыз удмурт кылэ берыктэмын но калык пӧлы поттэмын пӧртэм киноос. Соос пӧлын — немец «Бызь, Лола, бызь», американ «Аватар», швед «Акылес пересьёс» но мукетъёсыз.

«Берыктон лудлэн»  ёзчиез Лукерья Шихова мадиз, кызььы соос дэмен ужало кино берыктон бордын. Али дырлы клуб удмурт кылэ берыктэ Пеппа парсьпи сярысь американ мультфильмез. Со сяна, Лукерья Шихова берыктӥз фин авторлэсь Роза Ликсомлэсь «Маа» романзэ. Егит берыктӥсь вераз, кыӵе шуг-секытъёс кылдӥзы та книга бордын ужакуз. Кылсярысь, фин кылын трос тышкаськон кылъёс кутӥсько, финъёс луло но лултэм арбериосты пӧртэм «со» местоимениосын возьмато, озьы ик соос ярато кузь предложениосты. Лукерья Шихова верамъя, куд-ог дыръя, книгаез берыктыку, солы фин эшъёсыз юрттӥськизы.

«Удмурт дунне» газетысь кыл кутӥсь секрертарь Ольга Вахитова егитъёслэн гожъяськемзы сярысь ужпум ӝутӥз. Зэмос чуръёс вылын редактор эскериз егитъёслэн гожъямъёсазы пумиськылӥсь янгышъёсты. Конференцие вуэмъёс но соосты тупатон бордын ужазы. Таӵе практической уж бере малпан кылдӥз, «Берыктон лудлы» янгышъёс бордын ужанъя урокъёс ортчытъяно шуыса. Ольга Владимировна верамъя, али удмурт кылын примыкание амалэн кылтэчетъёс ӵем кутӥськыло. Нош удмурт кыл куре суффиксъёсты.

конф2

«Берыктон лудлэн» ёзчиез Лукерья Шихова мадиз, кызььы соос дэмен ужало кино берыктон бордын.

— Ми интые вуозы выль пушъетъёс — адӟиськом, куд пала азинске солослэн кылзы, — вера О. Вахитова. —  Берпуметӥ кужмынымы ми таин нюръяськыны выриськом, «Кенеш» журнал но «Удмурт дунне» газет стилен герӟаськем янгышъёсты тупатъяло на, нош мукет удмурт изданиос янгышъёс шоры киынызы шонтӥзы ни.

— Берыктӥсьлэн кыл шӧдонэз кулэ луыны: кылчи сяна, со пушкын литератор но улыны кулэ, — вера тодосчи В. Пантелеева. —  Удмурт кылэ умой берыктӥсьёс ӧжыт. Проза удысын висъясал Лукерья Шиховаез, кылбуретын — Сергей Матвеев. Палэнэ конференциосы потаса, мон ушъяськисько, удмурт кылэ берыктӥсмьёсмы милям вань но соос подстрочникъёстэк оригиналысь берыкто шуыса. Муш Нади, кылсярысь, эстон кылысь 15 пала книга берыктӥз ни. Но кыӵеесь соос? Лыдӟыны уг луы! Соин ик книгаос тузонӟыса кыллё. Кулэ меда урод берыктэмъёсты поттон понна коньдон быдтыны?

конф4

Конференцие вуэмъёс но янгышъёсты тупатъян бордын ужазы.

Лара Дмитриева вераз Кедра Митрейлэн семинариын дышетскон дыръяз черк текстъёсты удмурт кылэ берыктэмъёсыз сярысь, Юлия Разина — ӟуч кырӟанъёсты удмуртомытэмез сярысь.

«УД»

Туспуктэмъёс: УдГУ лыдӟискон юрт

 

Удмурт Дунне
By Удмурт Дунне 1 октября, 2015 13:03