Киясаын Пётр Кривоноговлы сӥзем конференция ортчиз

Удмурт Дунне
By Удмурт Дунне Октябрь 15, 2015 14:12
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
П. Кривоногов

П. Кривоногов

Суредасьлы, РСФСР-ысь искусство удысысь дано ужасьлы Пётр Кривоноговлы 105 ар тырмонэн валче 21-тӥ сентябре Киясаын ортчиз конференция.

П. Кривоногов быдэс дуннелы тодмо луиз «Вормон» суредэныз, та ужез 1949-тӥ арын дунъямын Сталин премиен. Конференцилэн ужаз пыриськизы калыкез утён, семья но демография политикая министр О. Корепанова, Удмуртиысь калык суредась П. Ёлкин, ёрос кивалтӥсьёс А. Максимов но С. Мерзляков, шаерысьтымы Суредасьёслэн союзэнызы кивалтӥсь К. Резницкий, ёросмылэн дано адямиез Н. Украинец, Сарапулысь музеен кивалтӥсь А. Юрпалов, озьы ик ёросысь историкъёс, школа директоръёс но мукетъёсыз.

Школаын дышетскисьёс пӧлын сентябрь кутсконын музей ялӥз вал дано суредасьлэн улон сюресэзлы но Быдӟым Вормонлы 70 ар тырмонлы сӥзем интернет-викторина. Та пумиськонын устоосыз пусъемын дипломъёсын но дуно кузьымъёсын. Вожвылъяськонэ пыриськизы 50 пала нылпиос. Вормисе потӥзы Вуж Салья школаысь Карина Родионова, Роза Пелагина но Диана Черняева.

Быгатонлыкъёссэс возь-матӥзы пинал суредасьёс но. Нылпиос лэсьтыны кулэ вал П. Кривоноговлэн ужъёсызлы копия. Таяз конкурсэ 26 пиналъёс пыриськизы. Ужъёс лэсьтэмын вал эгырен, карандашен, гуашен, акварелен — тылож дыръя Пётр Кривоногов уно суредъёссэ эгырен, карандашен лэсьтӥз. Вормисьёс пӧлын Киясаысь, Уддядиысь, Подгорнойысь пинал усточиос. Конференцие вуэмъёс стендъёсысь адӟизы пинал усточиослэсь ужъёссэс. Нош тужгес куанымонэз — нылпиос Пётр Ёлкинэн ӵошен туспуктэме пуксизы. Пётр Васильевич ӵектӥз вормисьёслэсь суредъёссэс конференцилэн материалъёсыныз сборнике пыртыны.

Конференцие вуэмъёс огзы но кузьымтэк ӧз кыле, тужгес усто кузьым дасяллям элькунысьтымы Суредан искусствоосъя музейын ужасьёс. «Пётр Кривоногов — фронтовые рисунки и живопись из фондов УРМИИ» — тазьы нимаське ӵыжак-выль книгазы.

Киясаысь музейлы но вал маин данъяськыны. Ёрос администрация коньдон висъяз баннерен адӟытонъёслы. Конференцие люкаськемъёс тодматскыны быгатӥзы выль «пыжем» уженымы, ваньмыз 10 баннер лэсьтэмын. Кривоноговлэн суредъёсыныз адӟытон табере вуоз котькуд школае, бускель ёросъёсы но.

Геннадий Парфёнов, Кияса ёрос музейысь валтӥсь специалист

Удмурт Дунне
By Удмурт Дунне Октябрь 15, 2015 14:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<