Ижысь 137 трос квартираем коркан шуныт сётымтэ

Удмурт Дунне
By Удмурт Дунне 21 октября, 2015 10:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
094839,город Ижевск,ремонт труб,труба,ЖКХ

Та вакытэ гумыосты тупатъян бордын 35 бригада ужа, кыскемын Сарапулысь, Пермьысь ужасьёс но. Но югдурез тупатыны капчи вылымтэ. Одӥг интыысь гумыосты кышъяло, мукет интытӥз со пасяське ни.

Таиз арня кутсконын Ижысь 137 трос квартираем коркан шуныт сётымтэ на вал. Калык ӝожтӥськонэн меӵак вазиськыны кутскиз Удмуртилэн Тӧроезлы Александр Соловьёвлы.

Гумыос тупатъян ужъёслэн мынэмзы сярысь ивортон Иж администрацилэн сайтаз берлозэ пуктэмын 12-тӥ октябре. Отын пусъё: шуныт сётэмын вань нылпи садъёсы, школаосы, больницаосы, пыртэмын со 98,8 процентаз — 2 сюрс 924-яз — улон коркаосы. Шуныт ву сётымтэ на 275 трос квартираем юртъёсы. Таӵе ӝеганъёсты город администрация герӟа куазьлэн шуак кезьыт луэменыз. Пусъе на: ог 70 процентэз ву гумыос вужмемын.

Озьы-а, тазьы-а, шоркарын улӥсьёслэн сюлмаськонъёссы вуизы элькун кивалтэтозь. Александр Соловьёв, югдурез валэктыны курыса, вазиськиз Правительстволы.

— «Удмуртиысь коммунальной системаос» туэ выль сямен ужаны кутскизы, коньдонзэс шыръян вылысь шунтӥськон вакытлы ас кужыменызы гинэ дасяськыны малпазы — гумыосты тупатъянэ палэнысь нокинэ ӧз кутэ. Кызьы адӟиськом, ас кужыменызы та ужез ӧз ворме, соин ик гумыосты тупатъянэ выльысь кыскизы пӧртэм организациосты, — югдурез валэктӥз Правительстволэн Тӧроезлэн воштӥсез Андрей Сивцов.

Та вакытэ гумыосты тупатъян бордын 35 бригада ужа, кыскемын Сарапулысь, Пермьысь ужасьёс но. Но югдурез тупатыны капчи вылымтэ. Одӥг интыысь гумыосты кышъяло, мукет интытӥз со пасяське ни.

Правительстволэн Тӧ-роез Виктор Савельев верамъя, Иж город берло 12 ар ӵоже коньдон ӧз висъялля выль гумыос басьтонлы, вужъёссэ кышъян вылын возиськиз. Туэ нырысьсэ, пе, шоркар но УКС огкыл шедьтӥзы теплосетьёслы коньдон висъян сярысь.

Матысь дыре юнматэмын луыны кулэ Иж городлэн вуоно арлы бюджетэз. А. Соловьёв куриз: шуныт сётон гумыосты выльдонлы коньдон учкемын мед луоз! Али та уж борды ӧд басьтӥськы ке, азьланьын югдур уката секыт луыны быгатоз.

— Мынам эшшо одӥг юанэ кылиз на, — вазиськиз А. Соловьёв Правительстволы. — Малы шуныт сётон вакытэ ЖКХ понна кыл кутӥсь министр отпускын? Маринин ужез понна висьыны кулэ! Ижын улӥсьёслэн квартираосазы +14 градус возиське, эшшо тросаз толэзьлэсь кема шуныт ву но ӧвӧл ни. Адӟисько, чурыт вамышъёс лэсьтытэк уз луы.

Элина Кумачёва

Туспуктӥз А. Горбунов

Удмурт Дунне
By Удмурт Дунне 21 октября, 2015 10:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<