Чиньы выре — визь будэ

Удмурт Дунне
By Удмурт Дунне 8 октября, 2015 08:15
_DSC0057

Кибашлы ӟеч вала, кыӵе аресысен кыӵе шудонъёсын покчиослы шудоно.

Ижысь Кузебай Герд нимо нылпи садысь пиналъёслэн шудонъёссы мудронэсь. Угось соосты ас киосыныз дася кибашлы Марина Родионова.

Марина Геннадьевна покчиос борды сюлмыныз бурмемын — нылпи садын 15 ар тырше ини. Нылпи садысь тэшкылиосты визьмам сяна, вуттӥське дорысьтыз 3 пиналэзлы но тодон-валан сётыны.

Кибашлы ӟеч вала, кыӵе аресысен кыӵе шудонъёсын покчиослы шудоно.

— 3-4 аресъем тэшкылиослэсь чиньыоссэс зол ужатоно, — вера воспитатель. — Макем шаплы соос вырозы, сокем ӝог но ӟеч малпаськыны кутскозы. Тае тодыса, чильпай соослы бакча емышъёс: кубиста, ӵужкушман, гордкушман, озьы ик писпуос, бордазы улмо, груша, банан. Котькуд емыш 2-3 сантиметр сяна ӧвӧл. Соосын шудыкумы, пиналъёслы валэктӥсько: бакча сиёнъёсты убое — губкае — бышкалтыку, чаклано: кыӵе буёло, вылтусо со — кулэ интые мертчытоно. Дыдыослы-этеослы таӵе шудонъёсты сёт ай ӵукна — вань бӧрдонзэс вунэто!

Емышъёсты Марина Геннадьевна юнме шорысь ӧз бырйы. Кылдытӥз таза улонлы сӥзем проект. Нылпиос бакчаын будэтэм сиёнэн кӧтсэс тыро, лэсьтэм емышъёсын шудо, гольык пыд бызьыло, кезьыт вуэн пазясько, ульчаын бызьыло, мугорзэс куасалляло… Пайдаез син азьын: садын тэшкылиос котьку лачак — доразы висьыса уг пуко, кезьыт куазен но урод черъёслы уг сётско.

— Нылпиосынымы тыршиськомы шоркармылэн улоназ но пыриськыны, — шуэ М. Родионова. — «Россиысь куас сюресъёс» ӵошатсконэ, кроссъёсы котькуд ар пыриськылӥськомы.

Марина Геннадьевналэн йыраз бергало мукет малпанъёс но. Кылсярысь, та вакытэ киосыз лыдо ини тэшкылиослы выль шудон лэсьтыны. Бадӟым кӧжы кертто но пушказ пӧртэм буёло, пӧртэм быдӟалаё тупъёс, пе, чильпало. Та сяна, покчизэ нылзэ чильпаськыны дышетоно. 4 аресъем дыдылэн чиданэз ӧвӧл ини: анайзэ котькуд нунал ёртэ киужен вырыны.

«УД»

 

Удмурт Дунне
By Удмурт Дунне 8 октября, 2015 08:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<