Асьмемыс асьмеос сюдыны быгатом

Удмурт Дунне
By Удмурт Дунне Октябрь 12, 2015 09:45
IMG_0220

Куд-огез предприятиос кризис вылэ чӧлско, кредит басьтэммы уг луы, поттэм вузмылы басьтӥсь ум шедьтӥське, шуо.

Кунгож сьӧрысь вузъёсты ӧжытгес Россие вуттоно, асьмемыз сюдыны асьмеос мед быгатомы, со понна техника но асьмелэн медло. Шаерысьтымы куд-ог предприятиос та ласянь синмаськымон ужало.

Огез ӟечез — Иж котырысь «Агромолтехника» огазеяськон. Пудо вордонын кутӥськись кыӵе но тӥрлык уг потто татын! Тусь бордысен кутскыса, быдэс гидлэсь каркассэ ӝутонозь. Со сяна, кеносъёс, бакча сиён возён хранилищеос лэсьто. Кивалтӥсез Сергей Дегтярёв верамъя, Камчаткаын но вуззэс басьто, доразы Монголиысь но лыкто. Парсь вордонъя бадӟымесь комплексъёслы гинэ но, иськемъёсты лыдъятэк, доразы вазисько.
Быгатыса ужаменызы матэгес тодматскыны, ужась калыкен пумиськылыны арня вискын вуылӥз Кун Кенешлэн Тӧроез Владимир Невоструев но.

— Алигес Чувашие ветлӥ, гурт удыссылэсь азинскемзэ чаклай. Кытысь тӥрлыкты шуыса юаськод но, Удмуртиысь шуо, — вера Владимир Петрович. — Саранскысь пудо вордонъя комплексъёстӥзы котырски, отын но асьме производительёслы тау каро. Асьме ужбергатӥсьёс кунгож сьӧрын поттэм техникаен вожвылъяськыны быгатӥсь арбериос поттыны быгато. Гуртоослы со дунтэмгес усе, вайыны но капчигес. Нош техника туннэ зэмен ик уг тырмы. Сое поттонэз азинтоно, юрттоно.

Куд-огез предприятиос кризис вылэ чӧлско, кредит басьтэммы уг луы, поттэм вузмылы басьтӥсь ум шедьтӥське, шуо. Со дыре ик «Агромолтехника» огазеяськон ваньбур поттонзэ, кылем арын сярысь, 3 поллы йылтыны пӧрмытӥз. Эшшо ке выль цехъёс лэсьтэ. Владимир Невоструев шуэ: ужаны кулэ, соку ваньмыз пӧрмоз.

«УД»

Удмурт Дунне
By Удмурт Дунне Октябрь 12, 2015 09:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<