«Табань» клубе люкаськизы дышетӥсьёс

Удмурт Дунне
By Удмурт Дунне Октябрь 15, 2015 10:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Удмурт нылкышно кенеш» нош ик «Табань» клубаз кунооссэ пумитаз. Ужрад ортчиз Эшъяськон юртлэн пичи залаз.

Таяз радэ, Дыше-тӥсьёслэн но Воспитательёслэн нуналъёссылы сӥзьыса, «Удмурт Кенеш» кичӧлтэм улсын «Удмурт нылкышно кенеш» дораз люказ Ижысь удмурт кыллы но литературалы дышетӥсьёсты но воспитательёсты. Табань пыжон сяменызы соос ужазы пумиськылӥсь шуг-секытъёсты сэрттӥзы-перт-чизы, ужан амалъёсынызы тодматӥзы, ог-огзылы ӵектонъёс но дэмланъёс сётӥзы.

«Удмурт нылкышно кенешлэн» тӧроез Надежда Степанова дышетӥсьёсты но воспитательёсты ӟеч-кылаз ортчем праздникенызы, «Табань» клублэн 10 ар ӵоже ужаменыз но правленилэн ёзчиосыныз тодматӥз. Люкаськем калыклы ӟеч мылкыд сётыса, вераськиз «Удмурт Кенеш» огазеяськонлэн вице-президентэз Татьяна Ишматова. Со пусйиз:

— Тӥ ваньды ик, школаын дышетӥсьёс но, нылпи садын ужась воспитательёс но, ӟеч уж нуиськоды — городысь нылпиосты анай кыллы дышетӥськоды, анай-атайёсын но калыкен валэктон уж нуиськоды. Туж ушъямон со. Уно пӧртэм шуг-секытъёс пыр потыса но, секыт ныпъеттылэсь уд куштӥськиське, мытэм удыстэс аръёсын нуиськоды, анай кылмылэсь данзэ ӝутӥськоды. Тазьы ик азьланяз но ӝуась мылкыдын но пӧсь синъёсын ужаны мед быгатоды. Асьмеос ог-огмес ӵемысь ужмыя гинэ тодӥськом. Нош улон ортче. Ойдолэ туннэ матысьгес тодматскоме, огазе кариськыса, ӵош но пыр-поч ужаломе.

табань клуб

Косметолог Светлана Галактионова нылкышноослы чеберлык но тазалык сярысь дэмланъёссэ вераз.

Собере пужыятэм удмурт айшетэн но йыразы кышетэн табань пыжыны потӥзы Ленин ёросысь 17-тӥ школаысь Светлана Михайловна Винокурова но Кузебай Герд нимо гимназиысь Татьяна Виссарионовна Швецова но Ольга Анатольевна Ведрова. Ваньзы ик соос, удмурт кыллы дышетэм сяна, шаертодонъя кружок нуо, нылпиослы удмурт сям-йылолъёсты пыӵатыны тыршо, удмурт музеен кивалто. Куиньназы ик ужазы бадӟымесь вормонъёс басьтэмын, кылбуръёс гожъяло. Люкаськемъёс табань пыжисьёслы уно гинэ юанъёс сётъязы.

Косметолог Светлана Галактионова нылкышноослы чеберлык но тазалык сярысь дэмланъёссэ вераз. Асьсэлэн кырӟанъёсынызы шулдыртӥзы егитъёс Яна Пушина но Ксения Тимеева.

Ваньмызлы дышетӥсьёс-лы но воспитательёслы «Удмурт Кенеш» огазеяськонлэн тӧроез Игорь Семёнов сяська кузьмаз.

Ижысь удмурт кылъя но литературая дыше-тӥсьёслэн литобъединениенызы кивалтӥсь Елена Николаевна Ямщикова тау кариз «Удмурт Кенешлы но «Удмурт нылкышно кенешлы» визьнодасьёсты куное ӧтчамзы но сӥлы каремзы понна.

Любовь Тихонова

Удмурт Дунне
By Удмурт Дунне Октябрь 15, 2015 10:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<