Воткинскысь крезьёс тужгес устоосыз

Удмурт Дунне
By Удмурт Дунне Октябрь 26, 2015 12:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Воткинскысь крезьгуръя П. Чайковский нимо педколледжысь  «Сайкан» ансамбль Марий Элысь бадӟым вормонэн бертӥз.

крезьёс

«Сайкан» ансамбль Москваын Удмуртилы сӥзем концертын.

Марий Элын радъяськиз «Звените, гусли, над Кокшагой» кыкетӥез калыккуспо фестиваль. Удмуртиысь крезен шудӥсьёс  отын Гран-при басьтӥзы.

Алигес соос нош ик пыриськизы бадӟым конкурсэ.

Йошкар-Олае вуизы 200-лэсь уно усточиос но ансамбльёс. Крезь выллем инструментъёсын шудыны быгатэмзэс возьматӥзы Карелиысь, Бурятиысь, Чувашиысь, Марий Элысь, Саратов областьысь, Китайысь но Белоруссиысь артистъёс.

— Вить нунал ӵоже кыстӥськиз фестиваль. Татчы зэмзэ но люкаськиллям устоосыз крезен шудӥсьёс, — веранзэ мытэ «Сайкан» ансамбльлэн кивалтӥсез, Удмуртиысь культура удысысь дано ужась Сергей Трофимов. — Конкурсын куинь номинацияя вожвылъяськон мынӥз, куиняз ик ми вормисе потӥмы. «Сайкан» ансамбльмы Гран-при басьтӥз. Педколледжысьтымы дышетӥсьёслэн «Мадэй» ансамбльзы 1-тӥ степенё лауреат луиз. Дышетӥсьмы Ольга Сергеевна Коренева, крезен  огназ шудыса, 2-тӥ степенё лауреат луиз, нош дышетскисьёсыз, студентъёсмы Лия Стрелкова но Маша Кузьмина, 3-тӥ интые потӥзы. Конкурсын но концертын чузъяськизы удмурт но ӟуч, классика но туала крезьгуръёс. Учкисьёс но дунъясьёс пусйизы удмурт крезьлэсь чылкыт но шыпыт куаразэ. Ӟуч крезьёс жингыр вазё ке, асьмелэн лачмыт, лэй-лэй куара потто, малпаськыны ӧте кадь. Музыкантъёслы но, залын пукисьёслы но та инструмент  крезьгурлэсь пыдэстэм дуннезэ усьтэ. Крезен котьмае шудыны луэ, задор удмурт  тыпыртон гуръёсты но, П. Чайковскийлэсь лэйкыт, небыт вальссэ но.

«Кантеле», «Волга но Урал вискын», «Садко», «Зарни пилем» но мукет конкурсъёсын, шаерамы но Россилэн пӧртэм сэрегъёсаз ортчылӥсь фестивальёсысь Воткинскысь «Сайкан» ансамбль нырысетӥ интыосын бертылэ. Концертъёслэсь уг акыльты ке но, матысь дыре со фестивальёсы уз пыриськы, пе.  Мугез туж ӟеч. Вуоно арын 19-тӥ феврале 15 ар тырме «Сайкан» ансамбльлы но 60 арес  — солэн «атаезлы», К. Герд нимо премилэн лауреатэзлы, Удмуртиысь дышетон удысысь дано ужасьлы  Сергей Трофимовлы. Ӵапак та кык лыдпусэз Воткинскысь педколледжысь дышетӥсьёс но студентъёс бадӟым концертэн пусъёзы. Крезен шудӥсьёс солы али ик дасясько ини.

Галина Семёнова

Удмурт Дунне
By Удмурт Дунне Октябрь 26, 2015 12:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<