Кыӵе пайдаен берытскоз яркыт ужрад?

Удмурт Дунне
By Удмурт Дунне Октябрь 23, 2015 13:32

Москваын Удмуртилэн нуналъёсыз туннэ йылпумъясько ни. Кыӵе мылкыдзы кылиз асьме кивалтӥсьёслэн? Лыдэ басьтозы-а республикамылэсь дэмланъёссэ?

Софья Широбокова, Кун Кенешысь Бюджетъя, вытъя но коньдон ужпумъёсъя ялан ужась комиссилэн кивалтӥсез, Кун Кенешлэн Тӧроезлэн воштӥсез:

— Кун Думаын но Федерация Кенешын дэмламы: 50 процентлэсь трос налогъёссэс федерал кисые келясь субъектъёслы дотациос мукет сяменгес мед висъяськозы. Вакчияк вераса, сыӵе улосъёслы асьсэлы но юрттэт сётоно. Сотэк кызьы пӧрме: ми тыршиськом, пӧртэм вытъёс бичаськом, нош республикамылы азинскыны коньдон уг тырмы. Туннэ нуналлы вань бичам вытъёсмы пӧлысь 65 процентэз кошке федерал кисые, 35-ез гинэ кыле республикалэн бюджетаз. Солэн быдӟалаезъя Удмуртия Россиын 78-тӥ инты басьтэ. Оглом учконо ке, Россиын асьмеос сямен шугъяське 12 улос.

Нимысьтыз эскеронъёс ортчытӥм: 2000-тӥ арысен кутскыса, Удмуртиын выт бичан 12 поллы йылӥз. Но республикаямы кылись вытъёслэн быдӟалазы 7,5 поллы гинэ будӥз. Угось азьвыл инкуазь узырлыкъёсты поттэм понна выт кыле вал республикалэн кисыяз, али бадӟым люкетэз кошке Россие. Сыӵе решениен споръяськыны ми ум малпаське, вераммы гинэ потэ: улосмес азинтонлы коньдон уг тырмы, республикалэн пунэмен тыриськонъёсыз йыло.

Бадӟым куноосты удмурт кырӟан-веранъёстын пумитаз "Айкай" коллектив.

Бадӟым куноосты удмурт кырӟан-веранъёстын пумитаз «Айкай» коллектив.

Федерация кенешлэн бюджетъя комитетэзлэн нырысетӥ воштӥсез Владимир Петров но пусйиз: Россилэн бюджетаз коньдон келямдэс чакласа, вераны луэ: Удмуртия — донор, дотациос басьтоно луэ ке но.

Кризис шоры учкытэк, Удмуртия быгатӥз промышленностьын но гурт удысын вуз поттонэз утьыны. Россиын сыџе улосъёс трос ӧвӧл. Но со дыре асьмелэн нылпи садъёс, школаос пуктыны, покчи ужбергатонэз азинтонлы коньдон уг шедьы. Туж оскиськом зэмлык — справедливость — вань шуыса, њеч ужась улосъёслы юрттыны тыршозы.

Шумпотӥсько, Федерация Кенешын но, Кун Думаын но милесьтым мылкыдъёсмес валазы. Тужгес ӟеч вераськон вал Федерация Кенешын. Асьмелы дурбасьтӥз Россиысь Лыдъян палаталэн аудиторез но. Со пусйиз: Удмуртия, кризис шоры учкытэк, огсыр азинске, промышленностьын, гурт удысын вуз поттон йылэ, мувӧй поттон уг кулэсмы. Соин ик сыӵе улосъёслы юрттыны кулэ. Кызьы? Али тодмо ӧвӧл на. Но 2016-тӥ арлы Россилэн бюджетаз чакламын сыӵе улосъёслы нимысьтыз фонд кылдытыны. Со сяна, Россилэн туэ арлы бюджетаз воштонъёс пыртыку, Удмуртия сярысь тодазы ваёзы. Асьмелы бюджетысьтымы дефицитэз ворсан понна дотациос висъяськозы яке араз 0,1 процентэн ссуда сётӥськоз. Та малпанэз ваньзы ик сенаторъёс умоен лыдъязы. Чаклано ке, улосъёсысь дэмланъёсты озьы огкылысь кутон туж шер луэ.

---NIK_1178

Калык паймыса но шумпотыса ветлӥз Удмуртилы сӥзем адӟытонэ. Туж шонер лэсьтӥмы, брангуртысь песянайёслэсь нырысетӥ составзэс сьӧрамы вайыса.

Нош воштӥськозы-а оглом налог келян процентъёс? Шуг вераны. Шуисько ук, ми кадьёс ӧжыт — 12 улос гинэ. Соин ик выль законопроектлы дурбасьтӥсь тырмыт уз люкаськы, дыр. Тупалозгес ватсаса юрттэт сётон. Со но туж шумпотымон ни.

Владимир Варламов, Кун Кенешысь агропромышленной комплексъя, музъем кусыпъёсъя но инкуазез утёнъя ялан ужась комиссилэн кивалтӥсез:

— Кун Думаын но Федерация Кенешын милесьтым дэмланъёсмес кылӥзы, ваньзэ сямен ик кутӥзы. Ӝутӥмы вал гурт хозяйствоез азинтонъя федерал законэ воштонъёс пыртон ужпумез, нечернозёмной зонаез азинтонъя программа кылдытон сярысь но вераським, музъемлэсь зумытсэ (плодородизэ) берыктон понна кун юрттэт кулэ, шуим. Юанъёсмы палэнтэмын ӧй вал. Огкылэ вуэмын: муосмес нимысьтыз удобрениосын узырмытон понна субсидиос висъяськозы. Пудо возёнъя комплексъёсты пуктонлы 35 процентэз коньдон субсидиос чотын луоз. Кредитъёсъя но умой вераськон вал.

Ӝутӥм спиртэн суретъёсты (эмъюмъёсты, очистительёсты) рецептъя гинэ, нуназе яке стационаръёсын вузан сярысь ужпумез. Малы? Эскеронъёс возьматӥзы: аптекаосын вузаськись 10 «боярышник» пӧлысь 2-сэ гинэ басьто зэмзэ но эмъяськон вылысь. Отӥосыз — тордосъёс. Малпасько, со шонер ӧвӧл.

Со сяна, дэмласькомы сурез но лицензиен гинэ вузаны. Со сыӵе ик кудӟытӥсь сурет ук, нош кунмы сое вузанэз нокызьы уг чакла. Валамон, таиз ӵектон закон мед луоз шуыса, Административной йыртэманъёсъя кодексэ но Уголовной кодексэ воштонъёс пыртоно луоз. Но федералъёс пӧлын проектмылы дурбасьтӥсьёс ӧжыт ӧй вал. Соин ик оскисько, дэмланмы уже кутӥськоз.

Кун Думалэн Тќроезлэн воштӥсез А. Исаев пусъе: Россилэн экономикаяз Удмуртия шӧдскымон инты басьтэ.

Кун Думалэн Тќроезлэн воштӥсез А. Исаев пусъе: Россилэн экономикаяз Удмуртия шӧдскымон инты басьтэ.

Владимир Соловьёв, культурая но туризмъя министр:

— Федерация Кенешын вераським Удмуртилэсь историзэ, культуразэ утён сярысь но. Асьме дэмланъёсмес дасямы Кун Кенешысь наукая, дышетонъя, культурая но егитъёсын ужан политикая комиссиен ӵош. Озьы ожгар тӥрлык поттонъя заводлэсь валтӥсь корпуссэ тупатъянлы федерал субсидиос куримы. Пыр-поч валэктӥм, малы со кулэ. 2019-тӥ арын Россиын пусъёзы М. Калашниковлы 100 ар тырмонэз. Ӵапак со юбилеез ортчытыку, ми чакласьком куноосты заводлэн валтӥсь корпусаз но нуллыны. Та юрт пыре архитектурая федерал синпелетъёс пӧлы (1808-тӥ-1843-тӥ аръёс, Дудин архитектор). Сое выльдонлы туж трос коньдон кулэ — 2 но ӝыны миллиард манет. Милесьтым дэмланъёсмес Федерация Кенешын умоен пусйизы. Соин ик оскиськом, коньдон висъяськоз. Али ми дасяськом документация.

Нош Кун Думаын возьматӥм Удмуртилэсь туризм ласянь азинсконзэ. Калык паймыса но шумпотыса ветлӥз Удмуртилы сӥзем адӟытонэ. Туж шонер лэсьтӥмы, брангуртысь песянайёслэсь нырысетӥ составзэс сьӧрамы вайыса. Дорысьтызы адямиос ӧз бырылэ, синмаськемзэс, яратэмзэс верамысь ӧз дугдылэ.

Кун Думаысь культурая комитетлэн кивалтӥсез Елена Драпеко Удмуртилы туж юн синмаськиз, республикамылы сӥзем презентациез учкыса, шаерамы одно ик вуыло шуиз.

Елена Миннигараева

Удмурт Дунне
By Удмурт Дунне Октябрь 23, 2015 13:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<