Мунё вурись Юля

Удмурт Дунне
By Удмурт Дунне 21 октября, 2015 11:26
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шаерысьтымы искусствоосъя нылпи школаосын 1 сюрс 442 дышетӥсь ужа. Ӵапак соослэн тыршеменызы пиналъёс бадӟымесь вормонъёс басьто.

Туэ Глазовысь ДШИ республикаысьтымы устоез нылпи школа луиз. Нош устоез дышетӥсь — Сарапулысь искусствоосъя 2 номеро нылпи школаысь педагог Наталья Сливченко. Правительстволэн Тӧроезлэн воштӥсез Андрей Кузнецов, шаерысьтымы егит усточиосты но соослэсь дышетӥсьёссэс вормонъёсынызы ӟечкыласа, шуиз:

— Нылпиос усто, сюлмо, кибашлы дышетӥсьёс кие шедё ке, сяська сямен усьтӥсько. Искусствоосъя нылпи школаын дышетскись пиналъёс — республикаысьтымы культуралэн ӵуказе нуналыз.

Ю. Вахрушева пќртэм калыккуспо конкурсъёсын вормылэмын ни.

Ю. Вахрушева пќртэм калыккуспо конкурсъёсын вормылэмын ни.

Ӟечкыламъёс пӧлын вал Якшур-Бӧдьяысь искусствоосъя нылпи школаын дышетскись Юля Вахрушева но солэн дышетӥсез Татьяна Кулябина.

Татьяна Сергеевна дышетон удысын 25 арлэсь кема тырше ини.

— Вашкала яке туала удмурт костюмез кылдытон понна нырысь ик сое малпано, кагаз вылэ суредано, — шуэ со. — Пиналъёсты киужлы 3 кузя дышетӥськом. Суред, живопись люкетаз ужа Надежда Вахрушева. Дӥсьлэн технологиез бордын но сое пужъятонэн, чеберъянэн вырисько мон. Нош сое сцена вылэ поттыны юрттэ Валентина Силина. Нылпиосын но эшъёсынымы валче ужаммылэн емышъёсыз шумпотто. Кылсярысь, «Кивоштӥсьёс» премиен пусъемын милям дышетскисьмы Юля Вахрушева. Юля 3-тӥ классын дышетске, нылаш паймытэ чебер вуриськеменыз, пужъятӥськеменыз. Со «С миру по нитке», «Гимн ремеслу», «Расправив крылья» но мукет тодмо калыккуспо конкурсъёсын вормылэмын. Туала вакытэ пӧртэм конкурсъёсы пыриськыны коньдон кулэ, соин ик ми анай-атайёслы вазиськоно луиськомы. Тау соослы, милемды валало, нылпиоссылэсь творчествозэс азинтонлы уксёзэс уг жаляло шуыса.

Вахрушевъёслэн семьязы улэ Ӵошкытын, Якшур-Бӧдья черкогуртозь 10 иськемлэсь тросгес. Но чеберлык но киуж дуннее кыстӥськись Юля мыло-кыдо ветлэ ёросысь искусствоосъя нылпи школае.

— Мон школаын дышетӥсьын ужасько бере, кышъяськыны, киужен вырыны дыры чик уг кыльы, — вера усточилэн анаез Екатерина Николаевна. — Соин ик туж юрттӥське Юля. Якшур-Бӧдьяысь искусствоосъя школае но ачиз куриськиз, оло, апаезлэсь адӟем кариз. Бадӟым нылмы но ДШИ-ез йылпумъяз вал. Али Юля мунёос вуре. Солэн премиеныз вуриськон машина басьтомы, дыр, таиз вуж ини.

Галина Семёнова

Удмурт Дунне
By Удмурт Дунне 21 октября, 2015 11:26