Кун Думаын усьтӥськизы Удмуртилы сӥзем нуналъёс

Удмурт Дунне
By Удмурт Дунне Октябрь 21, 2015 11:59

удмурт нуналъёсРоссиысь Кун Думаын толон сӥё-дано усьтӥзы Удмуртилэсь нуналъёссэ. Со сӥземын Удмуртилэн кунлык басьтэмез дырысен 95 ар тырмонлы.

Отчы пыриськизы Кун Думалэн Тӧроезлэн воштӥсез Андрей Исаев, парламентысь фракциослэн кивалтӥсьёссы. Удмурт Республикаысь ужрадэз усьтонэ вуизы Тӧро Александр Соловьёв, Кун Кенешлэн Тӧроез Владимир Невоструев, улос парламентысь депутатъёс но Правительствоысь кивалтӥсьёс.

Элькунмылэн Тӧроез Александр Соловьёв люкаськемъёсты тодматӥз Удмурт шаерен, удмурт музъем вылын вордскем дано адямиосын. Ивортӥз быдӟым конструкторлы Михаил Калашниковлы вордскемез дырысен 100 ар тырмонэз пусъёнлы дасяськон сярысь — со чакламын 2019-тӥ арлы. Озьы ик тодматӥз шаерамы пыӵась проектъёс сярысь но.

Нош Кун Кенешлэн Тӧроез Владимир Невоструев куноослы вазиськиз удмурт кылын. Со пусйиз: Кун Думае асэнымы тодматон вылысь гинэ ӧм вуэ, мылкыдмес вераммы потэ улосъёслы юрттэт сётон, куд-ог законъёсты эшшо но ӟечгес карон сярысь.

— Кун Думаысь 11 комитетъёсы пырисьёс мылкыд каризы милесьтым мылкыдъёсмес-малпанъёсмес кылзыны, федерал парламентысь депутатъёслы тау кариськом милемлы таӵе луонлык сётӥзы шуыса, — вераз В. Невоструев.

Удмуртилэсь нуналъёссэ сиё-дано усьтонын радъямын вал Удмуртилы сӥзем адӟытон, со сяна, люкаськемъёслы капчи мылкыд кузьмазы “Айкай” театрысь но “Брангуртысь песяйёс ансамбльысь артистъёс.

«УД»

Туспуктэм: udmurt.ru

Удмурт Дунне
By Удмурт Дунне Октябрь 21, 2015 11:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<