Чыртывесь борды дэрем

Удмурт Дунне
By Удмурт Дунне Октябрь 8, 2015 09:57
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
яна

Яна Яковлева.

Яна Яковлева Пичи Пурга ёрос библиотекаын художник луыса ужа. Со сяна, вуриське, керттӥське, чыртывесьёс но угыос пӧрмытэ.

— Уваысь педучилищеез быдтэме бере библиотекаямы пиналъёслы суредаськонъя кружок нуи, — шуэ Яна. — Но та гинэ мыным ичи потӥз. Нылпиосын курикъёс киямы кутӥмы. Кружокамы, эсьмаса, пияшъёс но чильпасько вал.

Собере соосын лэсьтыны ӧдъямы бисерлэсь ужъёс, выримы папье-машеен, куроен, пенопластлэсь но шудонъёс лэсьямы, пластик ӟенеликъёслэсь гинэ но туж тунсыко арбериос пӧрмо вылэм.

Та дыре кружоке вет-лӥсьёсын удмурт мунёос лэсьтӥськом. Вазенгес пиналъёсын лэсьтэм мунёосмес ёрос ӵошатсконын устоосыз шуыса пусйизы.

— Пель угыосыдлы, чыртывесьёсыдлы удмурт шӧм пыртыны выриськод. Марлэсь соосты пӧрмытӥськод?

— Мон тунсыкъяськисько удмурт культураен. Синмаськыса учкылӥсько вашкала кильтыръяськон арбериос шоры. Аслам но сыӵе чеберлык лэсьтэме потылӥз. Соку ки улам сюриз полимер сюй! Нырысетӥез уже вал италмас. Собере удмурт пужыосты пуктыны кутски пель угыосы, чыртывесьёсы.

Али чыртывесьёс но пель угыос лэсьтӥсько декоративной корт арбериослэсь. Соосты капчиен шедьтоно киужъёсъя магазинъёсысь. Дарт кызьы лыктэ, озьы ик пӧртэм кильтыръяськонъёс пӧрмытӥсько.

яна

Дэремъёсы пӧрмизы романтичноесь.

— Тон туэ «Эль ныл» вожвылъяськонын аслэсьтыд дэремъёстэ адӟытӥд. Кызьы кылдӥз коллекциед?

— Кылем арын ёросысьтымы библиотекаын арт-пространство усьтӥзы. Отчы ужаны интыяськиз тодмо художник Зоя Лебедева. Туж шумпотӥ, сыӵе тунсыко адями бордын ужало шуыса. Ваньмон дыры сюре ке, со доры вамыштӥсько вал. Мон котьку синмаськыса учкылӥ З. Лебедевалэн ас киыныз вурем дэремъёсыз шоры. Со ӧтиз монэ пыриськыны «Вуриськом дэрем ас киынымы» проектаз. Костаськись басмаослэсь дӥсь вуроно вал. Шыкысысьтым трос пӧртэм юдэсъёсты вайи. Зоя Михайловна юрттӥз ог-огзылы тупасьёссэ бырйыны, дышетӥз выкройка лэсьтыны, машинаен вуриськыны. Туж чебер дэрем пӧрмытӥм. Кулэ на гужем нуллонозэ, малпай. Ӵапак соку Эдэйгуртысь «Тугоко» калык театрез, отчы мон но ветлӥсько, Галина Романова кылбурчи творческой ӝытаз ӧтиз. Ролелы кулэ луиз тузӥ дэрем. Вуроно! Озьы ас киыным лэсьтэм дэремъёсы пӧрмизы.

Тулыспал Пичи Пургаысь клубын модая фестиваль ялӥзы. Отчы пыриськыны мылкыды ӝутскиз — 2 дэреме вань ни ук! Эшшо 4 ке но вуроно на, коллекция мед пӧрмоз шуыса. Но уж бере вуриськыны дыры ӧз тырмылы. Соин юри басьтӥ отпуск, лумбыт вуриськыса пукылӥ. Дэремъёсы пӧрмизы романтичноесь. Тау анаелы, атаелы, соослэн юрттэменызы ваньзэ вутски. Соку учкисьёс пӧлын вылэм Дарали Лели. Коллекциеным тодматскемез бере со ӧтиз монэ «Эль ныл» фестивале пыриськыны.

Ангелина Снигирёва

Удмурт Дунне
By Удмурт Дунне Октябрь 8, 2015 09:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<