Яр ёросысь Озёрка школа уз усьтӥськы

Удмурт Дунне
By Удмурт Дунне 1 сентября, 2015 10:32
фото школы (45,7 Кб, jpg)

100 дышетскисьлы чаклам школаез возьыны бюджетлы дуно усе — отчы туэ вамыштысал 12 нылпи гинэ.

Школаослэсь нылпиосты пумитаны дась луэмзэс эскеронъёс вазенгес йылпумъяськизы ни.

10 школалы йылозяз-пумозяз вуттоно луоз на тылпулэсь утиськон системаез, 26 дышетсконнилы Роспотребнадзорлэсь куронъёссэ быдэстоно. Со сяна, 5 школа приёмка ортчытонлы ӧз ӵектӥськы. Таос пӧлын Сарапул городысь 26 номеро лицей — отын лэсьтӥськон ужъёс йылпумъямтэ на, со сяна, ӝеганъёс кылдӥзы Алнаш, Пичи Пурга ёросъёсысь но Ижысь куд-ог школаосын — соослэн статуссы нылпи сад-школалы воштӥське угось.

Нош Яр ёросысь Озёрка гуртысь школалэн ӧсъёсыз туэ воксё уз усьтӥське. 100 дышетскисьлы чаклам школаез возьыны бюджетлы дуно усе — отчы туэ вамыштысал 12 нылпи гинэ. Вылаз ик, солэсь юртсэ выль дышетскон арлы дасянлы, пӧртэм ведомствоослэн куронъёссыя тупатыны кулэ луысал 10 миллион манет: тамында уксё висъяны луонлык ӧвӧл.

Озёркаысь школа ласянь кылдэм югдур эскеремын ни Кун Кенешын но, Правительствоын но. Школазы пытсаськемен, 16 дышетӥсьлы сокращение пумысен уведомление сётэмын ни. Бен, тросэз дышетон стажзэс тырмытэмзы понна пенсия басьто ни, одӥгез гинэ егит дышетӥсь Пудэм гуртысь шор ёзо школае ужаны выжоз. Озьы Озёркаысь пиналъёслы тодон-валан басьтыны бускель Пудэме ветлоно луоз. Автобуссы вань, сюресъёслэн ӟечлыксы гинэ сюлмаськытэ. Вакчи сюресъя ширтоно ке, выжзы куашкан калэ вуэмын, соин ик автобуслы котыр маршрутъя ветлоно луоз — таяз сюрес оскымонгес. Школазы пытсаськем пумысен гуртоослэн мылкыдзы ӝож. Со бордын гуртмы кыӵе ке сыӵе возиське вал ай, огымысь шуо соос.

«УД»

Удмурт Дунне
By Удмурт Дунне 1 сентября, 2015 10:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<