Ульяновскын ортчоз «Мистер Этно» вожвылъяськон

Удмурт Дунне
By Удмурт Дунне 23 сентября, 2015 09:56

мистер этноМожга ёросысь Горняк культура юртын ужась Григорий Чирков «Мистер Этно-2015» вожвылъяськонэ пыриськыны дасяське. Ортчоз со 24-тӥ но 25-тӥ сентябре Ульяновск городын.

Егитъёслы сӥзем конкурсэ дуннеысь пӧртэм калыкъёслэн усточиоссы вуозы. Ӵошатсконлэн валтӥсь куронэз — 18-ысен 30 аресозь нылъёс-пиос одно ик мед тодозы анай кылзэс, сям-йылолъёссэс, пӧраськон амалъёссэс.
Конкурсэ пыриськон понна Григорий дасяз этновизитка. Отын со тодматэ Удмурт шаермылэн улэм-вылэменыз. Ӵошатсконын 5 номинацияя вормисьёс шараямын луозы. Мистер Этноез сяна, быръёзы тужгес зарни киё, жингрес куараё, веськрес мугоро усточиосты.

Григорий кылем арын пыриськылӥз шаерысьтымы удмурт пиослы сӥзем «Батыръёс» ӵошатсконэ. Чирков «Батыр» нимез басьтӥз. Та рад Гирыш батырлы шаермылэсь данзэ утьыны оскизы.

«УД»

Удмурт Дунне
By Удмурт Дунне 23 сентября, 2015 09:56