Удмурт театр нырысьсэ пыриськиз Екатеринбургын ортчем «Коляда-plays» фестивале

Удмурт Дунне
By Удмурт Дунне 16 сентября, 2015 09:47

Та фестивалез кылдытӥз тодмо драматург, режиссёр Николай Коляда, Екатеринбургын со радъяське ини 9-тӥзэ. Фестивале пыриськисьёслы валтӥсь курон: вань спектакльёс пуктэмын луыны кулэ Уралысь драматургъёслэн пьесаоссыя.

Фестиваль кыстӥськиз 10 нунал. Та дыр ӵоже учкисьёслы но дунъясьёслы спектакльёссэс возьматӥзы 30 пала театръёс. Татчы Россиысь гинэ ӧвӧл, Сербиысь, Германиысь, Польшаысь, Молдавиысь но Казахстанысь артистъёс вуиллям. Озьы Екатеринбургысь пӧртэм площадкаосын ӵукнаысен бер ӝытозь мынӥзы театръёслэн тунсыко спектакльёссы. Кудзэ бырйыны шугъяськоно вал, малы ке шуоно одӥг нуналэ, одӥг дыре 3 пьесаос мынӥзы.

ватос но гипноз

Критикъёслы кельшиз асьмелэн постановкамы, нимысьтыз пусйизы Удмуртиысь калык артистлэсь Геннадий Бекмановлэсь ӟеч шудэмзэ, паймизы Наталья Турлэн уртчись мылкыдызлы. Дэмланъёс сётӥзы егит артистлы Константин Ложкинлы.

Удмурт театр та фестивале нуллӥз В. Сигаревлэсь «Ватос но гипноз» комедизэ. Нялтас вераса, драматург Василий Сигарев Николай Колядалэн дышетскисез вал. Асьме артистъёсмы спектакльзэс возьматӥзы балетъя «Щелкунчик» театрын. Валтӥсь рольёсты шудӥсьёс Геннадий Бекманов, Наталья Тур но Константин Ложкин мурт сцена вылэ туж сюлмаськыса потӥзы ке но, усто шудэменызы залэз кырмыса возизы. Пусйыны кулэ, спектакль мынӥз удмурт кылын, вал переводэз. Куд-ог спектакльёсты Интернет пыр возьматӥзы, тросгес адямиос та фестивалез мед учкозы шуыса. Сыӵе шудоос пӧлы шедиз Удмурт театр но.

Удмуртиысь «Ватосэз но гипнозэз» критикъёс вылӥ дунъязы. Соослы кельшиз асьмелэн постановкамы, нимысьтыз пусйизы Удмуртиысь калык артистлэсь Геннадий Бекмановлэсь ӟеч шудэмзэ, паймизы Наталья Турлэн уртчись мылкыдызлы. Дэмланъёс сётӥзы егит артистлы Константин Ложкинлы.

Спектаклез сэрттон-пертчон туж шуныт но эшлыко мылкыдын ортчиз.

Кызьы шуиз драматург Николай Коляда, та фестиваль вормонъёсты данъясь ужрад ӧвӧл, сое уд ӵошаты «Зарни маскаен».

— Татын асьмеос возьматӥськом зэмос улонэз, творчествоез, учкиськом-дунъяськом, кызьы улэ театр туннэ. Азьвыл москваосты ӧтисько вал, но соос бассейнэн гостиница куро. Соин ик мон ӧтисько Лысьваысь, Тюменьысь, Чайковскийысь но мукет городъёсысь артистъёсты. Соос коньдон понна уг ужало, соос творчество пушкын уло, театрез ярато но со чеберлыко дуннеез калыклы кузьмало, — шуиз Н. Коляда.

Наталия Панфилова,

Удмурт театрысь литература ёзэн кивалтӥсь

Удмурт Дунне
By Удмурт Дунне 16 сентября, 2015 09:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<