Удмурт кун университетын Г. Сабитовлы сӥзем конференция ортче

Удмурт Дунне
By Удмурт Дунне 16 сентября, 2015 09:30
Г. Сабитов

Г. Сабитов

Удмурт кун университетысь библиотекаын 15-тӥ-16-тӥ куарусёнэ ортчоз «Мон улонэз кырӟасько…» конференция.

Ужрад сӥземын тодмо удмурт кылбурчилэн Гай Сабитовлэн вордскемез дырысен 100 ар тырмонлы.

Гай Сабитов УАССР-ысь культура удысысь дано ужась, кылбурчи, Удмурт радиоын диктор вал. Тросэз тодо эшезлы М. Покчи-Петровлы сӥзем «Шунды но ӝужа но» сонетъёссэ, мукетъёсыз ярато солэсь кырӟанъёссэ (соос 100-лэсь уно лыдъясько).

Кылбурчилэн вордӥськем нуналэзлы сӥзьыса, Удмурт кун университетын 2 нунал ӵоже мыноз конференция, ортчозы мастер-классъёс, ужалозы пӧртэм секциос. Кылсярысь, Гай Сабитовлэсь сонетъёссэ эскерозы тодосчиос Василий Ванюшев но Александр Шкляев. Татарстанысь Агрыз ёросысь Тэрси шор ёзо школаысь дышетӥсь Раушания Низамбиева ӵошатоз Г. Сабитовлэсь но М. Джалильлэсь творчествозэс. Ижысь 17-тӥ школаысь удмурт кылъя дышетӥсь Светлана Винокурова вералоз Гай Сабитовлэсь творчествозэ ӟучомем нылпиосын эскерон амалъёсты.

Нош 16-тӥ куарусёнэ тодосчиос, дышетӥсьёс, студентъёс, Национальной библиотекаын ужасьёс вуылозы кылбурчилэн вордӥськем палъёсаз — Татарстанысь Кукмор посёлоке. Отын но тунсыко программа но выставка дасямын, со юрттоз Гай Сабитовлэсь улон но гожъяськон сюрессэ паськытгес эскерыны. Соин ӵош ужам адямиос тодэ ваёнъёссэс вералозы, тодосчиос кылбуръёссэ эскерозы.

«УД»

Удмурт Дунне
By Удмурт Дунне 16 сентября, 2015 09:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<