Удалтэмын, но сисьмемын

Удмурт Дунне
By Удмурт Дунне 25 сентября, 2015 12:51

3-25Удалтэмын ке удалтэмын туэ картошка! Шаерысьтымы хозяйствоос но лӧптэмын, ява. Но толалтэ сое возьыны юн секыт луоз — сисьме.

Туннэ 25 ёрос пӧлысь 8-эз гинэ на картошка будэтонэн уг выры. Сое мерттыны но утялтыны уго сокем трос коньдон но уг кошкы, вузаны но луонлыкъёс вань. Но татын ог-огзылы пумит луо фермеръёс но хозяйствоос.
— Фермеръёслэн хранилищеоссы ӧвӧл, — вера Можга ёросысь «Заря» хозяйствоен кивалтӥсь Валентин Владимиров. — Соин ик соос картошказэс ӝоггес, бусыысен ик, вузаны тыршо. Озьы ӝоггес уксё поттыны выременызы, картошка дунэз кулэсто. Нош дунтэм дунын сое вузам воксё уг поты. Соин ик басьтӥсь шедьтыны шуг.

Бадӟымесь хозяйствоослэн мукет амалзы ӧвӧл ни: картошказэс хранилищеосы тыро. Озьы дунлэсь ӝутӥськемзэ возьмало. Кылсярысь, кылем сӥзьыл 1 килограммзэ ог 6 манетэн вузазы ке, тол вылтӥ со 10 манетозь вуиз.

— Хранилищетэк туала арын улыны уг луы, — шуэ Алнаш ёросысь «Оркино» хозяйствоен кивалтӥсь Марина Захарова. — Кидыслы гинэ но картошка кельтоно ук. Гуэд ӧз луы ке, кидыс уксёен басьтоно луод. 1 килограмм ӟеч картошка 30-40 манет сылэ. Нош 1 гектаре мерттон понна со 2-3 тонна кулэ луэ. Зэм, туала куронъёслы тупась хранилище ӝутыны капчи ӧвӧл. Ми 2009-тӥ арын сое пуктонлы 7 миллион манет понӥмы. Но картошка асдунзэ берыктэ ӝог.

Гурт удысъя но сиён-юонъя министерство ивортэмъя, али шаерамы 71 сюрс 446 тонна картошка бичамын ни. Гектарысьтыз ог 226 центнер урожай потэ. Кылем арен ӵошатоно ке, та 40 центнерлы уногес.

«УД»

Туспуктӥз А. Горбунов

Удмурт Дунне
By Удмурт Дунне 25 сентября, 2015 12:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<