Та гужеме ӧй изьы 17 уй (юри лыдъяй)

Удмурт Дунне
By Удмурт Дунне 22 сентября, 2015 10:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
пелагеяым

Пелагея Куликовская

Гужем ортчиз. Мар мон быгато вераны со сярысь? 15 ар ӵоже (тау, Инмаре) та дунне вылын улытозям, таиз гужем вал тужгес но сюлме пыӵасез, тужгес но мыньпоттӥсез, тужгес устоез.

Инвожо. Гужеме кутскиз соку, ку мон нырысьсэ таяз арын пыласьки, со вал 29-тӥ куартолэзе. Ми классэнымы соку походэ ветлӥмы. Туж жади, шунды шорын ӝуай. Мукет нуналаз мон мынӥ «Шундыпиос» лагере. Со ёросысьтымы быгатӥсь нылпиос понна котькуд гужем ортче. Но отчы огшоры гинэ уд сюры, конкурс пыр ортчоно. Мон вал эктӥсьёс пӧлын (вау, мон эктыны но быгатӥсько вылэм!). Туж пӧсь вал. Мон эшшо одӥг конкурс бере «Шундыныл» луи на.

12-тӥ инвожо — огшоры нунал кадь, но мон соку ветлӥ Иже, Гербере. Со мынам сюлмам мур пыӵаз. Малы? Перепечъёс ческытэсь вал, эшъёсыным адӟиськи. Нош ачиз шулдыръяськон! Со вал кӧс гужем дыръя чебер будэм ю-нянь бусы кадь, улонам яркыт пиштӥсь си кадь. Собере ветлӥ «Шундыпи» лагерьын кутэм эше, Настя Чернова, доры, Варӟылэ. Зарезь мында мылкыдъёс, Кузёбае пыдын ветлон, озьы ик трос тодматсконъёс, ческыт сиён но кӧт висьытозь серекъян. Нош собере Настя дорам вуылӥз. Та бере ветлӥ школае отработкае. Ужамы. Быгатӥм. Ӟечокъёс. Кам дуре ветлӥмы (гужемлы огпол коть кулэ татчы вуылыны).

Пересьмемды бере нунокъёсты ымзэс усьтыса мед кылзозы тӥледыз. Соослэн но мед потоз улонзэс сыӵе ик бай ортчытэмзы. Дунъялэ котькуд минуттэс.

Пересьмемды бере нунокъёсты ымзэс усьтыса мед кылзозы тӥледыз. Соослэн но мед потоз улонзэс сыӵе ик бай ортчытэмзы. Дунъялэ котькуд минуттэс.

Пӧсьтолэзь. Мон ужай — табере мынам вань трудовой книжкае. Табере асме бадӟымгес кожасько ини, чынзэ но профессия басьтэм адями кадь. Котькуд нунал 3 часлы дыртӥсько вал ужам — школае нылпиосы доры. Йӧнтэмесь ке но, со ерпечкаостэк мӧзмыт луысал. Одӥг минутсэ но тэк уг пуко, нумыръёс кадь мар ке выро, тэтчало, бызьыло, тэкшеро но выльысь тупало. Секытгес вал ке но, вожатой луыса ужаны пӧрмытӥ кадь. Соос но улэпесь, мон но улэп кыли. Школаын пумиськыкумы табере, «приве-е-ет!» шуыса, пумитам бызьыса лыкто.

Гудырикошкон. Мон азе султӥз бадӟым юан: яке зарезь, яке «Шундыкар». Кӧня изьымтэ уйёс, кӧня малпаськон часъёс. Но мон шедьтӥ кадь шонер сюрес: зарезь дуре сю пол но вуо ай, соин ик бырйи «Шундыкарез». Трос уг вера та лагерь сярысь, «шундыослэн» пельёссы юмекъяло, дыр, ини. Но! Удмурт кылэз, калыкез, культураез гажась нылпи улытозяз одӥг пол ке но одно ик кулэ «Шундыкаре» вуылыны.

пелагея борды

Удмурт кылэз, калыкез, культураез гажась нылпи улытозяз одӥг пол ке но одно ик кулэ «Шундыкаре» вуылыны.

«Шундыкар» бере вуи волонтёръёслэн «Команда будущего» сменаязы. Та дырозь мон чылкак уг тодӥськы вал, кин со волонтёр. Воксё пайми, соос сыӵе шулдыресь, визьмоесь, котькинлы юрттӥськыны дасесь, шуг-секытъёслэсь курдасьтэмесь. Мынам мылкыды ик ӝутскиз школаямы но волонтёръёслэсь отрядзэс кылдытыны. Та сменаын Алнаш ёросысь волонтёръёслэн «Азьлань» отрядзы шаерамы тужгес устоез луиз. Мон туж данъяськисько таин.

Таяз гужем мон: нырысьсэ суредаськи баллончикысь краскаен, кубызэн но крезен шудӥ, шедьтӥ туж трос эшъёс, кырӟай, гожъяй, эктӥ, серекъяй, сиськи. Ӧй изьы 17 уй (юри лыдъяй). Оломар но дауртӥ, визьтэмъяськи. Виси. Та гужеме сярысь одӥг кылын гинэ вераны уг луы.

Тӥ но эн пуке дорады, котькуд минутэ мар ке но каре, котькуд часэ кинэн ке но пумиське, котькуд нуналэ кытчы ке но вуылэ. Пересьмемды бере нунокъёсты ымзэс усьтыса мед кылзозы тӥледыз. Соослэн но мед потоз улонзэс сыӵе ик бай ортчытэмзы. Дунъялэ котькуд минуттэс.

Туспуктэм: авторлэн но

Юлия Шахтиналэн

Удмурт Дунне
By Удмурт Дунне 22 сентября, 2015 10:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<