Студент отрядъёслы — 15 ар

Удмурт Дунне
By Удмурт Дунне 29 сентября, 2015 09:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
0100928,молодежь,студент,шествие,парад первокурсников

2-тӥ-4-тӥ октябре Ижысь «Дзержинец» лагерьын ортчоз студентъёслэн отрядъёссылэн фестивальзы.

Студентъёслэн отрядъёссы кылдэм дырысен туэ 15 ар тырме. Туэ гужем шаерысьтымы 1 сюрс 800 пала студентъёс лэсьтӥськизы, вожатойёс луыса ужазы, гурт удысын, чугун сюрес вылын тыршизы.

Лэсьтӥськисьёслэн отрядъёссы Удмуртилэн палэназ ужазы: «Вихрь» — Екатеринбургын, «Монолит» — Нововоронежын, «Д.Э.М.С.» но «Атлант» отрядъёс — Амур улосын. Удмуртиысь отрядъёслэн комиссаръёссы Артём Кузьмин, Ксения Юрченко но Диляра Хамидуллина Россиысь устоосыныз лыдъямын.

Студентъёс спортэн эшъяськыны быгатэмзэс но котыр ласянь возьмато. Кылем шутэтскон нуналъёсы соос пӧлын туризмъя ӵошатсконъёс ортчизы.

— 2-тӥ-4-тӥ октябре Ижысь «Дзержинец» лагерьын ортчоз студентъёслэн отрядъёссылэн фестивальзы, — шуиз Игорь Краснов. — Удмуртиысь сяна, отчы ӧтемын Нижний Новгород, Свердловск, Киров но Пермь улосъёсысь егитъёс. Фестиваль 15-тӥзэ радъяське. Берло дыре бадӟым ӝоглыкен азинске туризм. Та кенешонын вераськон мыноз ИжГТУ-лэн спортъя базаяз ПФО-ысь туризмъя центр кылдытон сярысь. Удмуртиысь гурезё интыос солы тупало.

Вуоно арысен шаерамы ортчылӥсь Гурт шудонъёсы но школаын дышетскись пиналъёслэн спортъя фестивалязы туризмъя ӵошатсконъёс пыртэмын луозы. Нырысетӥ эскерон ортчытэмын ни: Удмуртиысь предприятиосын но заводъёсын ужасьёслэн спартакиадаязы туэ та амал пыртэмын вал. Вожвылъяськон ваньмызлы кельшиз.

«УД»

Туспуктӥз А. Горбунов

Удмурт Дунне
By Удмурт Дунне 29 сентября, 2015 09:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<